ເຈົ້າໜ້າທີ່ປາເລັດສະຕິນກ່າວວ່າ,ການຫ້າມສັນຈອນຂອງກອງທະຫານອິດສະລະແອນໄດ້ກີດຂວາງການຈົດທະບຽນຂອງຜູ່ມີສິດເລືອກຕັ້ງປາເລັດສະຕິນ
cri
Author: zs
ຕາມຂ່າວສານຊິນຮວາ:ວັນທີ5ກັນຍາ,ຢູ່ເມືອງລາມາລາ,ທ່ານອາລີ ອານ ເຈຍບາວີ ເລຂາທິການຄະນະກຳມະການເລືອກຕັ້ງສູນກາງປາເລັດສະຕິນເວົ້າວ່າ,ກອງທະຫານອິດ ສະແອນປະຕິບັດການຫ້າມສັນຈອນຢູ່ຕົວເມືອງຈຳນວນໜ່ຶງ,ໄດ້ກີດຂວາງການຈົດທະບຽນຂອງຜູ່ມີສິດເລືອກຕັ້ງປາເລັດສະຕິນຄັ້ງທີ2.
ທ່ານເຈຍບາວີເວົ້າວ່າ,ການຈົດທະບຽນຂອງຜູ່ມີສິດເລືອກຕັ້ງໄດ້ເຂົ້າສູ່ມື້ືທີສອງ,ແລະໄດ້ດຳເນີນໄປຢ່າງສະດວກຢູ່ເຂດປາເລັດສະຕິນປົກຄອງຕົນເອງສ່ວນຫຼາຍທີ່ແຖບກາຊາແລະຝ່ັງຕາເວັນຕົກແມ່ນ້ຳຈໍແດນ,ແຕ່ກອງທະຫານອິດສະລະແອນປະຕິບັດການຫ້າມສັນ ຈອນຢູ່ຕົວເມືອງນ້ອຍອ້ອມຂ້າງເມືອງເຈນີນແລະເມືອງເບເລເຮມທີ່ຝັ່ງຕາເວັນຕົກແມ່ນ້ຳ ຈໍແດນ,ໄດ້ສ້າງຄວາມຫຍຸ້ງຍາກໃຫ້ແກ່ການຈົດທະບຽນຂອງຜູ່ມີສິດເລືອກຕັ້ງ.
ທ່ານເຈຍບາວີເວົ້າວ່າ,ຝ່າຍປາເລັດສະຕິນພວມຄົ້ນຄວ້າໃຊ້ທຸກມາດຕະການທີ່ອາດເປັນໄປໄດ້,ເຊິ່ງລວມທັງແກ່ຍາວເວລາຈົດທະບຽນເປັນຕົ້ນ,ເພື່ອຮັບປະກັນການຈົດທະບຽນ ຂອງຜູ່ມີສິດເລືອກຕັ້ງໃຫ້ສຳເລັດລົງ.
|
|