|
ຕາມຂ່າວສານຊິນຮວາ,ວັນທີ6ກັນຍາ,ທ່ານຊາອາສລັດຖະມົນຕີກະຊວງການຕ່າງປະເທດຂອງລັດຖະບານປາເລັສຕິນປົກຄອງຕົນເອງກ່າວວ່າ,ທ່ານອາລາຟັດ, ປະທານອົງການອຳນາດແຫ່ງຊາດປາເລັສຕິນໄດ້ສັ່ງໃຫ້ອົງການຮັກສາຄວາມປອດໄພໃຊ້ມາດຕະການຢ່າງເຂັ້ມງວດ,ອອກແຮງປົວແປງສະຖານະການອັນວຸ້ນວາຍຢູ່ໃນເຂດປາເລັສຕິນປົກຄອງຕົນເອງໃນສະເພາະໜ້ານີ້ເພື່ອຮັບປະກັນຄວາມປອດໄພ.
ທ່ານຊາອາສເຜີຍໃຫ້ຮູ້ວ່າ,ຕອນເດິກວັນທີ5ກັນຍາ,ທ່ານອາລາຟັດໄດ້ຮຽກໂຮມຄະນະກຳມະການຄວາມປອດໄພແຫ່ງຊາດປາເລັສຕິນແລະຄະນະກຳມະການສູນກາງຂອງອົງການອານຟາຕາມາຈັດກອງປະຊຸມ,ເຈາະຈົງຫາລືບັນຫາກ່ຽວກັບຄວາມວຸ້ນວາຍຢູ່ໃນເຂດປາເລັສຕິນປົກຄອງຕົນເອງໃນສະເພາະໜ້ານີ້.
ແຕ່ເດືອນກໍລະກົດປີນີ້ມາ,ແຖບກາຊາແລະເຂດປາເລັສຕິນປົກຄອງຕົນເອງຢູ່ຝັ່ງຕາເວັນຕົກແມ່ນຳ້ຈໍແດນໄດ້ເກີດເຫດການຜູ່ປະກອບອາວຸດທີ່ບໍ່ຮູ້ຖານະລັກພາຕົວຫຼືຫຼອນໂຈມຕີເຈົ້າໜ້າທີ່ຊັ້ນສູງຂອງປາເລັສຕິນຫຼາຍລາຍຢ່າງລຽນຕິດ,ພາໃຫ້ສະຖານະການຄວາມປອດໄພຂອງປາເລັສຕິນຕົກຢູ່ໃນສະພາບວຸ້ນວາຍ.
|
