ຕາມ​ຂ່າວ CRI:ຕອນ​ທ່ຽງ​ຄືນ​ວັນ​ທີ 6 ກັນ​ຍາ ທະ​ຫານ​ອິສ​ລະ​ແອນ​ໄດ້​ຍິງ​ລູກ​ສອນ​ໄຟ​ນຳ​ວິຖີ​ຢ່າງ​ຫນ້ອຍ 5 ລູກ​ໃສ່​ສູນ​ເຄື່ອນ​ໄຫວ​ແຫ່ງ​ຫນຶ່ງ​ຂອງ​ຂະ​ບວນ​ອິສ​ລາມ​ຕໍ່​ຕ້ານ​ຂອງ​ປາ​ເລັດສ​ຕີນ​ຫລື​ອົງ​ການ​ຮາ​ມາສ໌ ຢູ່​ແຖບ​ກາຊາ,​ເຮັດ​ໃຫ້​ຢ່າງ​ຫນ້ອຍ 14 ຄົນ​ເສຍ​ຊີ​ວິດ, 30 ຄົນ​ບາດ​ເຈັບ.

ຝ່າຍ​ທະຫານ​ອິສ​ລະ​ແອນ​ກ່າວ​ວ່າ, ສູນ​ເຄື່ອນ​ໄຫວ​ດ່ັງ່າ​ກວ​ແມ່ນ​ຄ້າຍ​​ເຝິກອົບຮົມ​ຂອງ​ອົງ​ການ​ຮາ​ມາສ໌,​ໃນ​ເວລາ​ນັ້ນ ສະ​ມາ​ຊິກ​ຝ່າຍ​​ທະຫານ​ຂອງ​ຮາ​ມາສ໌​ພວມ​ປະຊຸມ​ຢູ່​ແຫ່ງ​ນັ້ນ.​ແຕ່​​ໂຄ​ສົກ​ອົງ​ການ​ຮາ​ມານ໌​ໄດ​ປະ​ຕິ​ເສດ​ຄຳ​ເວົ້າດ່ັງກ່າວ,​ແລະ​ກ່າວ​ວ່າ​ແຫ່ງ​ນັ້ນ​ຄ້າຍ​ພັກ​ລະ​ດູ​ຮ້ອນ​ຊາວ​ຫນຸ່ມ​ຂອງ​ອົງ​ການ​ຮາ​ມາສ໌.

ຕອນ​ຄຳ່​ມື້​ດຽວ​ກັນ ຜູ່​ປະກອບ​ອາວຸດ​ປາ​ເລັສຕີນ​ຈຳນວນ​ຫນຶ່ງ​ເຕົ້າ​ໂຮມ​ກັນ​ຢູ່​ນອກ​ໂຮງ​ຫມໍ​ກາຊາ,ຮ້ອງ​ຄຳ​ຂວັນ​ວ່າຈະ​ແກ້​ແຄ້ນ.