ທ່ານຊາລົງກ່າວວ່າ,ຈະບໍ່ພິຈາລະນາຖອນຈຸດຕັ້ງຖິ່ນຖານຊາວຢິວຫຼາຍກວ່າເກົ່າໃນຊ່ົວໄລຍະນີ້
cri
Author: zs
CRIລາຍງານວ່າ:ວັນທີ7ກັນຍາ,ໃນເວລາໃຫ້ສຳພາດຕໍ່ໜັງສືພິມເຢລູຊາເລັມພົສ໌,ທ່ານຊາລົງ ນາຍົກລັດຖະມົນຕີອິດສະລະແອນກ່າວວ່າ,ພາຍຫຼັງຖອນຈຸດຕັ້ງຖິ່ນຖານຊາວຢິວ21ແຫ່ງທີ່ກາຊາແລະຈຸດຕັ້ງຖ່ິນຖານຊາວຢິວ4ແຫ່ງອອກຈາກຝັ່ງຕາເວັນຕົກແມ່ນ້ຳຈໍແດນໂດຍອີງຕາມແຜນການແຕ່ຝ່າຍດຽວແລ້ວ,ອິດສະລະແອນຈະບໍ່ພິຈາລະນາຖອນຈຸດຕັ້ງ ຖ່ິນຖານຊາວຢິວຫຼາຍກວ່າເກົ່າໃນຊ່ົວໄລຍະນີ້.
ທ່ານຊາລົງຍັງເວົ້າວ່າ,ທະແນມແຕ່ລັດທິກໍ່ການຮ້າຍຂອງປາເລັດສະຕິນຍັງບໍ່ຢຸດຕິການເຄື່ອນໄຫວ,ອົງການກໍ່ການຮ້າຍບໍ່ໄດ້ຖືກຍຸບຢ່າງເຖິງຖອງ,ອົງການອຳນາດແຫ່ງຊາດປາເລັດສະຕິນບໍ່ໄດ້ປະຕິບັດການປະຕິຮູບຢ່າງບັງເກີດຜົນ,ອິດສະລະແອນກໍຈະບໍ່ພິຈາລະນາຖອນຈຸດຕັ້ງຖ່ິນຖານຊາວຢິວຕື່ມອີກ.ທ່ານກ່າວວ່າ,ເຖິງວ່າອາເມລິກາມີຄວາມເຫັນຕ່າງກັນ,ອິດສະລະແອນຍັງຈະສືບຕໍ່ຂະຫຍາຍສ້າງເຮືອນຢູ່ໃນຈຸດຕັ້ງຖ່ິນຖານທີ່ມີຢູ່ໃນປະຈຸບັນ.
|
|