ຕາມ​ຂ່າວCRI: ວັນ​ທີ 7 ກັນຍາ, ປະຊາ​ຄົມ​ໂລກ​ໄດ້​ກ່າວ​ປະນາມ​ການ​ເຄື່ອນ​ໄຫວ​ທາງ​ການ​ທະ​ຫານ​ຂອງ​ອິດສະ​ລາ​ແອນ​ຢູ່​ເຂດ​ກາຊາ​ໃນ​ຕອນ​ຮຸ່ງ​ເຊົ້າວັນ​ທີ 7 ກັນຍາ​ໄດ້​ເຮັດ​ໃຫ້​ສາມັນ​ຊົນ​ຕາຍ​ແລະ​ບາດ​ເຈັບ.

ເພື່ອ​ແກ້​ແຄ້ນ​ຮາ​ມັສກໍ່​ການຫລອນ​ໂຈມ​ຕີ​​ແບບລະ​ເບີດ​ຂ້າ​ໂຕ​ຕາຍ​ສອງ​ລາຍ​ຢູ່ພາກ​ໃຕ້​ອິດສະ​ລາ​ແອນ​ໃນ​ວັນ​ທີ 31 ສິງຫາ, ​ເຮັດ​ໃຫ້​ຊາວ​ອິດສະ​ລາ​ແອນ 16 ຄົນ​​ເສຍ​ຊີວິດ, ຕອນ​ຮຸ່ງ​ເຊົ້າວັນ​ທີ 7 ກັນຍາ, ຍົນ​ເຮ​ລິ​ກົບ​ປະກອບ​ອາວຸດ​ຂອງ​ອິດສະ​ລາ​ແອນ​ໄດ້​ຍິງ​ລູກ​ສອນ​​ໄຟ​ນຳ​ວິຖີ 5 ລູກ​ໃສ່​ຄ້າຍ​ເຝິກ​ແອບ​​ແຫ່ງ​ໜຶ່ງຂອງ​ອົງການຮາ​ມັສທີ່​ຕັ້ງຢູ່​ເບື້ອງ​ຕາ​ເວັນ​ອອກ​ຂອງ​ເມືອງ​ກາຊາ, ​ເຮັດ​ໃຫ້​ຊາວ​ປາ​ເລັສຕີນ 14 ຄົນ​ຕາຍ, 30 ກວ່າ​ຄົນ​ບາດ​ເຈັບ.

ມື້​ດຽວ​ກັນ, ຢູ່​ທີ່​ເລີ​ແກ, ທ່ານ​ເກັດ ລັດຖະມົນຕີ​ການ​ຕ່າງປະ​ເທດ​ເອຢິບ​ໄດ້​ອອກ​ຖະ​ແຫລ​ງການ, ກ່າວ​ປະນາມການ​ກະ​ທຳ​ດ່ັງກ່າວ​ຂອງ​ອິດສະ​ລາ​ແອນ​, ​ແລະ​ເຫັນ​ວ່າ, ການ​ກະ​ທຳ​ຂອງ​ຝ່າຍ​ອິດ​ສະລະ​​ແອນ​ບໍ່​ມີ​ຜົນ​ດີ​ຕໍ່​ການ​ຜ່ອນຄາຍ​ສະຖານະ​ການລະຫວ່າງ​ປາ​ເລັສ​ຕີນ​​ແລະ​ອິດ​ສະ​ລາ​ແອນ. ທ່ານ​ພໍ​ແວວ ລັດຖະມົນຕີ​ການ​ຕ່າງປະ​ເທດ​ອາ​ເມ​ລິ​ກາ​ກໍ່​ກ່າວ​ຢູ່​ວໍ​ຊິງ​ຕັນ​ວ່າ, ການ​ໂຈມ​ຕີ​ທາງ​ການ​ທະຫານ​ທີ່​ມີ​ລັກສະນະ​ແກ້​​ແຄ້ນ​ຂອງ​ອິດສະ​ລາ​ແອນ​ທີ່​ມີ​ຕໍ່​ຮາ​ມັສບໍ່​ແມ່ນ​ວິທີ​​ແກ້​ໄຂ​ບັນຫາ, ​ແລະກໍ່​ບໍ່​ມີ​ຜົນ​ດີ​ຕໍ່​ຂະ​ບວນວິວັດ​ສັນຕິພາບ​ຕາ​ເວັນ​ອອກ​ກາງ.