|
ສ.ປ.ປ.ເກົາຫຼີກ່າວວ່າ ກ່ອນເປີດເຜີຍຄວາມຈິງຂອງການທົດລອງວັດຖຸເຊື້ອໄຟນີວເຄຼຍຂອງສ.ເກົາຫຼີ ສ.ປ.ປ.ເກົາຫຼີຈະບໍ່ເຂົ້າຮ່ວມການຫາລືບັນຫານີວເຄຼຍ
cri
Author: cbf
ຕາມຂ່າວCRI:ວັນທີ 16 ກັນຍາ,ຢູ່ພຽງຢາງ,ໂຄສົກກະຊວງການຕ່າງປະເທດສ.ປ.ປ.ເກົາຫຼີເວົ້າວ່າ,ຫຼັກໝັ້ນແຕ່ໃດມາຂອງສ.ປ.ປ.ເກົາຫຼີແມ່ນໃຫ້ຜ່ານຈາກການເຈລະຈາກັນມາແກ້ໄຂບັນຫານີວເຄຼຍ,ແຕ່ກ່ອນເປີດເຜີຍຄວາມຈິງກ່ຽວກັບການທົດລອງວັດຖຸເຊື້ອໄຟນີວເຄຼຍໂດຍທາງລັບຂອງສ.ເກົາຫຼີ,ສ.ປ.ປ.ເກົາຫຼີບໍ່ອາດຈະເຂົ້າຮ່ວມການຫາລືກັນກ່ຽວກັບບັນຫານີວເຄຼຍຂອງແຫຼມເກົາຫຼີ.
ໂຄສົກຜູ້ນີ້ເວົ້າວ່າ,ກ່ຽວກັບການເຈລະຈາ 6 ຝ່າຍ,ຫຼັກໝັ້ນຂອງຝ່າຍສ.ປ.ປ.ເກົາຫຼີແມ່ນໃຫ້ຈັດການເຈລະຈາຕໍ່ໄປ,ແຕ່ນະໂຍບາຍຂອງອາເມລິກາທີ່ເປັນປໍລະປັກກັບສ.ປ.ປ.ເກົາຫຼີທີ່ນັບມື້ນັບເປີດແປນແລະການທົດລອງວັດຖຸເຊື້ອໄຟນີວເຄຼຍໂດຍທາງລັບຂອງສ.ເກົາຫຼີຖືກເຜີຍແບຢ່າງລຽນຕິດໃນຫວ່າງມໍ່ໆນີ້,ໄດ້ສ້າງຄວາມຫຍຸ້ງຍາກອັນມະຫາສານໃຫ້ແກ່ການເຈລະຈາ.
ມື້ດຽວກັນ,ທ່ານບັນກີມູນ ລັດຖະມົນຕີກະຊວງການຕ່າງປະເທດແລະການຄ້າຂອງສ.ເກົາຫຼີອອກຖະແຫຼງການວ່າ,ສ.ເກົາຫຼີທົດລອງວັດຖຸນີວເຄຼຍບໍ່ມີສ່ວນກ່ຽວພັນຫຍັງກັບການພັດທະນາອາວຸດນີວເຄຼຍຈັກເມັດ,ອົງການພະລັງງານປະລະມານູສາກົນມາສຳຫຼວດຢູ່ສ.ເກົາຫຼີຈະຢັ້ງຢືນໃຫ້ເຫັນຄວາມຈິງດ່ັງກ່າວ.
|
|
