|
ທະຫານອາເມລິກາຫລອນໂຈມຕີຈຸດທີ່ຕັ້ງຂອງອານ ຈາກາວີ ຜູ່ນຳເບີ 3 ຂອງອົງການອານເຄດາອີກ
cri
Author: MO
ຕາມຂ່າວສານຊີນຮວາ: ແຕ່ວັນທີ 16 ກັນຍາເປັນຕົ້ນມາ, ທະຫານອາເມລິກາປະຈຳອີຣັກໄດ້ດຳເນີນການເຄື່ອນໄຫວທາງການທະຫານຕໍ່ເມືອງຟາລູຈາແລະເມືອງລາມາດີ ທີ່ຕັ້ງຢູ່ທິດຕາເວັນຕົກຂອງແບກແດດ, ໂຈມຕີຜູ່ປະກອບອາວຸດທີ່ກ່ຽວຂ້ອງກັບທ່ານອາບູ ມູຊາ ອານ ຈາກາວີ ຜູ່ນຳເບີ 3 ຂອງອົງການອານເຄດາ, ໄດ້ເຮັດໃຫ້ເກືອບ 40 ຄົນຕາຍແລະບາດເຈັບ.
ວັນທີ 17 ກັນຍາ, ນາຍໝໍຂອງໂຮງໝໍໃຫຍ່ຟາລູຈາເວົ້າວ່າ, ການບຸກໂຈມຕີຂອງທະຫານອາເມລິກາທີ່ມີຕໍ່ຟາລູຈາແລະເຂດທີ່ຢູ່ມໍ່ຫັ້ນໄດ້ຍຶດເຍືອມາຮອດວັນທີ 17, ຢ່າງໜ້ອຍໄດ້ເຮັດໃຫ້ 32 ຄົນຕາຍ, 48 ຄົນບາດເຈັບ, ໃນນັ້ນ, ມີແມ່ແລະເດັກຈຳນວນໜຶ່ງ. ມື້ດຽວກັນ, ຫົວໜ້າໂຮງໝໍໃຫຍ່ລາມາດີກໍ່ຢືນຢັນວ່າ, ທະຫານອາເມລິກາບຸກໂຈມຕີເມືອງລາມາດີໄດ້ເຮັດໃຫ້ 7 ຄົນຕາຍ, 5 ຄົນບາດເຈັບແລ້ວ.
|
|
