|
ທ່ານມູບາລັກກ່າວເນັ້ນວ່າ,ຈັດການເລືອກຕັ້ງທົ່ວໄປຕາມເວລາກຳນົດແມ່ນວິທີອັນໜຶ່ງອັນດຽວທີ່ເຮັດໃຫ້ອີຣັກຫຼຸດພົ້ນອອກຈາກສະພາບອັດຕະຄັດ
cri
Author: zs
ຕາມຂ່າວສານຊິນຮວາ:ວັນທີ19ກັນຍາ,ໃນເວລາໃຫ້ສຳພາດຕໍ່ສື່ມວນຊົນແອຢິບ,ທ່ານມູ ບາລັກ ປະທານາທິບໍດີແອຢິບເວົ້າວ່າ,ຈັດການເລືອກຕັ້ງທົ່ວໄປໃນເດືອນມັງກອນປີ2005 ຕາມເວລາກຳນົດນັ້ນແມ່ນວິທີອັນໜຶ່ງອັນດຽວທີ່ເຮັດໃຫ້ອີຣັກຫຼຸດພົ້ນອອກຈາກສະຖານະການວຸ້ນວາຍໃນສະເພາະໜ້ານີ້.
ປະຈຸບັນນີ້,ສະຖານະການຄວາມປອດໄພຢູ່ພາຍໃນປະເທດອີຣັກເຫັນໄປໃນແງ່ດີບໍ່ໄດ້. ຕາມຂ່າວແຈ້ງວ່າ,ພຽງໜຶ່ງອາທິດທີ່ຜ່ານມາ,ກໍມີ300ກວ່າຄົນເສຍຊີວິດໃນການປະທະກັນແລະເຫດການຫຼອນໂຈມຕີດ້ວຍການລະເບີດຢູ່ອີຣັກ.ປະຊາຄົມໂລກເກີດມີຄວາມສົງໄສຕໍ່ການເລືອກຕັ້ງທົ່ວໄປຈະຈັດຂຶ້ນໃນຕົ້ນປີໜ້າຕາມເວລາກຳນົດໄດ້ຫຼືບໍ່.ວັນທີ19ກັນຍາ,ທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວອີຣັກທີ່ພວມຢ້ຽມຢາມອັງກິດກ່າວວ່າ,ອີຣັກຈະທຳຄວາມພະຍາຍາມຈົນສຸດຂີດ,ຮັບປະກັນການເລືອກຕັ້ງທົ່ວໄປຈັດຂຶ້ນໃນເດືອນມັງກອນປີ2005ຕາມແຜນການເດີມ.
|
|
