|
ທ່ານຮາທາມີກ່າວວ່າ, ອີຣານຈະສືບຕໍ່ຊຸກຍູ້ແຜນການນຳໃຊ້ນິວເຄຼຍໂດຍສັນຕິ
cri
Author: MO
ຕາມຂ່າວCRI: ວັນທີ 21 ກັນຍາ, ທ່ານຮາທາມີ ປະທານາທິບໍດີອີຣານກ່າວວ່າ, ເຖິງວ່າອົງການພະລັງງານປະລະມານູສາກົນຢຸດຕິວຽກງານກວດກາສິ່ງກໍ່ສ້າງນິວເຄຼຍຂອງອີຣານກໍຕາມ, ອີຣານກໍຍັງຈະສືບຕໍ່ຊຸກຍູ້ແຜນການນິວເຄຼຍຂອງຕົນທີ່ໃຊ້ເພື່ອຈຸດປະສົງສັນຕິພາບ.
ທ່ານຮາທາມີແມ່ນກ່າວຄວາມນີ້ໃນພິທີລະລຶກສົງຄາມອີຣານອີຣັກທີ່ຈັດຂຶ້ນຢູ່ເຕເຮລານ. ທ່ານເວົ້າວ່າ, ອີຣານໄດ້ທຳການເລືອກແຟ້ນນຳໃຊ້ເຕັກນິກນິວເຄຼຍໂດຍສັນຕິ, ຫາກບໍ່ແມ່ນພັດທະນາອາວຸດນິວເຄຼຍ. ປະຊາຄົມໂລກຄວນຮັບຮອງສິດທຳມະຊາດແລະຊອບກົດໝາຍຂອງອີຣານ.
ວັນທີ 18 ກັນຍາ, ກອງປະຊຸມຄະນະມົນຕີຂອງອົງການພະລັງງານປະລະມານູສາກົນໄດ້ໃຊ້ວີທີບໍ່ລົງຄະແນນສຽງຜ່ານມະຕິກ່ຽວກັບບັນຫານິວເຄຼຍຂອງອີຣານ, ຮຽກຮ້ອງໃຫ້ອີຣານເຊົາການເຄື່ອນໄຫວທັງໝົດທີ່ກ່ຽວຂ້ອງກັບອຸລານີຍົມຂຸ້ນ, ແລະຮ່ວມມືຢ່າງເຕັມສ່ວນກັບອົງການພະລັງງານປະລະມານູສາກົນ, ໃຫ້ຄວາມກະຈ່າງແຈ້ງຕໍ່ບັນຫາທີ່ຄ້າງຄາຢູ່ທີ່ກ່ຽວຂ້ອງກັບແຜນການນິວເຄຼຍຂອງເຂົາ.
|
|
