|
ທ່ານປູຕິນເວົ້າວ່າ, ລັດເຊຍມີເຈດຈຳນົງສືບຕໍ່ຈັດການເຈລະຈາຫົກຝ່າຍນິວເຄຼຍແຫຼມເກົາຫຼີ
cri
Author: huachunmei
ຕາມຂ່າວ CRI, ວັນທີ 21 ກັນຍາ, ຢູ່ວັງແກຼມແລງ, ຫຼັງຈາກເຈລະຈາກັບທ່ານໂຣມູຮູນ ປະທານາທິບໍດີສ.ເກົາຫຼີທ່ີໄປຢ້ຽມຢາມແລ້ວ, ທ່ານປູຕິນ ປະທານາທິບໍດີລັດເຊຍເວົ້າວ່າ, ລັດເຊຍມີເຈດຈຳນົງໂດຍຕະຫຼອດໃຫ້ແຫຼມເກົາຫຼີຮັກສາຖານະທ່ີມີບໍ່ນິວເຄຼຍ, ສືບຕໍ່ດຳເນີນຂະບວນວິວັດການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
ໃນການເຈລະຈາ, ທ່ານປູຕິນກ່າວເນັ້ນວ່າ, ລັດເຊຍສະໜັບສະໜູນສອງຝ່າຍພາກໃຕ້ແລະພາກເໜືອຢູ່ແຫຼມເກົາຫຼີສົນທະນາກັນແລະໃກ້ຊິດກັນ.ລັດເຊຍຈະຊອກຫາໂຄງການຮ່ວມມືໃນຂົງເຂດພະລັງງານແລະການຂົນສົ່ງກັບ ສ.ເກົາຫຼີແລະສ.ປ.ປ.ເກົາຫຼີ. ທ່ານເວົ້າວ່າ, ການຮ່ວມມືແບບນີ້ບໍ່ພຽງແຕ່ມີຜົນດີທາງເສດຖະກິດທໍ່ນັ້ນ, ພ້ອມກັນຍັງມີຄວາມໝາຍທາງການເມືອງອີກດ້ວຍ. ທ່ານຍັງເວົ້າວ່າ, ການພົວພັນລະຫວ່າງລັດເຊຍແລະສ.ເກົາຫຼີໃນສະເພາະໜ້ານີ້ໄດ້ບັນລຸລະດັບສູງໃໝ່, ທັງນີ້ມີຜົນດີຕໍ່ຄວາມປອດໄພຂອງໂລກ.
ທ່ານໂຣມູຮູນຂອບອົກຂອບໃຈນຳລັດເຊຍທ່ີໄດ້ເສີມຂະຫຍາຍ"ບົດບາດອັນສຳຄັນທ່ີສຸດ"ໃນການແກ້ໄຂບັນຫານິວເຄຼຍແຫຼມເກົາຫຼີ. ທ່ານເວົ້າວ່າ, ລັດເຊຍກັບສ.ເກົາຫຼີມີຈຸດຄືກັນຫຼວງຫຼາຍໃນດ້ານນະໂຍບາຍລະຫວ່າງຊາດແລະເສດຖະກິດ, ສອງປະເທດສາມາດຂະຫຍາຍການຮ່ວມມືໃນທຸກຂົງເຂດ.
|
|
