|
|
 |
| (GMT+08:00)
2004-09-23 11:51:26
|
 |
|
ນາຍົກປາເລັດສຕີນກ່າວປະນາມເຫດການລະເບີດທ່ີເຢລູຊາເລັມ
cri
Author: sayvanny
ຕາມຂ່າວ CRI: ວັນທີ 22 ກັນຍາ ທ່ານຄູໄລ ນາຍົກລັດຖະມົນຕີລັດ ຖະານປາເລັດສຕີນປົກຄອງຕົນເອງອອກຖະແຫລງການ,ກ່າວປະນາມເຫດການລະເບີດແບບສະຫລະຊີບທ່ີເກີດຂຶ້ນຢູ່ເຢລູຊາເລັມມື້ດຽວກັນ.
ໃນຖະແຫລງການ, ທ່ານຄູໄລເວົ້າວ່າ, ການກະທຳແບບນີ້ໄດ້ຝ່າຝືນຜົນປະໂຫຍດຂອງປາເລັດສຕີນ,ແລະໄດ້ສະຫນອງຂໍ້ອ້າງໃຫ້ອິສລະແອນໂຈມຕີປາເລັດສຕີນ, ຕ້ອງຢຸດຕິໃນທັນທີ.ພ້ອມກັນນັ້ນ ຖະແຫລງການຮຽກຮ້ອງອິສລະແອນຈົ່ງເຄົາລົບສັນຍາຢຸດຍິງລະຫວ່າງສອງຝ່າຍ, ຟື້ນຟູການເຈລະຈາລະຫວ່າງປາເລັສດຕີນອິສລະແອນກ່ຽວກັບຖານະສຸດທ້າຍ.
ມື້ດຽວກັນ ທ່ານອານນານ ເລຂາທິການໃຫຍ່ສະຫະປະຊາຊາດກໍ່ໄດ້ອອກຖະແຫລງການ, ກ່າວປະນາມຢ່າງຮຸນແຮງຕໍ່ເຫດການລະເບີດແບບສະຫລະຊີບທ່ີເກີດຂຶ້ນຢູ່ເຢລູຊາເລັມໃນມື້ດຽວກັນ.ທ່ານຮຽກຮ້ອງລັດຖະບານປາເລັດສຕີນປົກຄອງຕົນເອງຕ້ອງໃຊ້ທຸກມາດຕະການອັນຈຳເປັນກັ້ນກາງການ ເກີດເຫດການທ່ີຄ້າຍຄືກັນນີ້ອີກ.
ຂ່າວແຈ້ງວ່າ, ພາຍຫລັງເກີດເຫດານລະເບີດແບບສະຫລະຊີບຢູ່ເຢລູຊາເລັມແລ້ວ, ທ່ານຊາລົງ ນາຍົກລັດຖະມົນຕີອິສລະແອນກ່າວວ່າ, ອິສລະແອນຈະໂຈມຕີລັດທິກໍ່ການຮ້າຍຢ່າງສຸດຂີດ.
ຕອນບ່າຍວັນທີ 22 ກັນຍາ, ຢູ່ພາກເຫນືອເຢລູຊາເລັມເກີດເຫດການລະເບີດແບບສະຫລະຊີບ, ຢ່າງຫນ້ອຍມີສາມຄົນຕາຍ ເຊິ່ງລວມທັງຜູ່ກໍ່ເຫດ,ປະມານ 15 ຄົນບາດເຈັບ.ກອງພົນນ້ອຍວິລະຊົນອັກຊາສ໌ທ່ີຂຶ້ນກັບຂະບວນປົດປ່ອຍຊາດປາເລັສຕີນ ຫລືອານຟາຕາປະກາດໃນມື້ດຽວກັນຮັບຜິດຊອບຕໍ່ເຫດການນີ້.
|
|
|
