|
ຊາວເອຢິບ 2 ຄົນຖືກລັກພາຕົວຢູ່ແບກແດດ
cri
Author: mo
ຕາມຂ່າວCRI: ວັນທີ 24 ກັນຍາ, ກະຊວງພາຍໃນຂອງລັດຖະບານຊ່ົວຄາວຂອງອີຣັກປະກາດວ່າ, ຕອນຄ່ຳວັນທີ 23 ກັນຍາ, ວິສະວະກອນໂທລະຄົມເອຢິບ 2 ຄົນຖືກພວກປະກອບອາວຸດລັກພາຕົວຢູ່ແບກແດດ.
ຕາມຂ່າວແຈ້ງວ່າ, ນັບມາຮອດປະຈຸບັນ, ບໍລິສັດໂທລະຄົມເຄື່ອນທີ່ຂອງອີຣັກແຫ່ງໜຶ່ງທີ່ວິສະວະກອນເອຢິບ 2 ຄົນນີ້ເຮັດວຽກຢູ່ນັ້ນຍັງບໍ່ມີຂ່າວຂອງວິສະວະກອນທີ່ຖືກລັກພາຕົວ, ແລະກໍບໍ່ມີອົງການໃດກ່າວວ່າຮັບຜິດຊອບຕໍ່ເຫດການລັກພາຕົວດັ່ງກ່າວນີ້.
ແຕ່ເດືອນມີນາປີນີ້ມາ, ພາຍໃນແດນອີຣັກ, ໄດ້ມີເຫດການລັກພາຕົວເກີດຂຶ້ນເລື້ອຍໆ, ລວມມີຊາວຕ່າງປະເທດ 100 ກວ່າຄົນຖືກລັກພາຕົວ, ຕົວປະກັນຕ່າງປະເທດປະມານ 30 ຄົນຖືກປະຫານຊີວິດແລ້ວ.
|
|
