|
|
(GMT+08:00)
2004-11-11 16:30:07
|
|
ປະຊາຄົມໂລກທຳປະຕິກິລິຍາຕໍ່ທ່ານອາລາຟັດທີ່ເຖິງແກ່ກຳ
cri
Author: mo
ຕາມຂ່າວCRI: ຕອນຮຸ່ງເຊົ້າວັນທີ 11 ພະຈິກ, ພາຍຫລັງທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນໄດ້ເຖິງແກ່ກຳຍ້ອນເປັນພະຍາດຢູ່ໂຮງໝໍແປກຊີຊານເມືອງປາລີແຫ່ງຝຣ່ັງແລ້ວ, ປະຊາຄົມໂລກໄດ້ທະຍອຍກັນທຳປະຕິກິລິຍາຕໍ່ເລື່ອງນີ້.
ວັນທີ 11 ພະຈິກ, ທ່ານໂມເຊີ ຄາຊາຟ ປະທານາທິບໍດີອິດສະລາແອນກ່າວວ່າ, ຫວັງໃຫ້ຊາວປາເລັສຕີນສາມາດຟື້ນຟູຈາກຄວາມເສົ້າສະຫລົດໃຈຍ້ອນທ່ານອາລາຟັດ, ແລ້ວເລືອກຕັ້ງຜູ້ນຳຜູ້ໃໝ່ຢ່າງວ່ອງໄວ. ປະຈຸບັນ, ຜູ້ຊ່ອຍທ່ານຊາລົງ ນາຍົກລັດຖະມົນຕີອິດສະລາແອນປະຕິເສດກ່າວຄຳວິຈານຕໍ່ການເຖິງແກ່ກຳຂອງທ່ານອາລາຟັດ. ກອງທະຫານປ້ອງກັນປະເທດແລະຝ່າຍຕຳຫລວດອິດສະລາແອນໄດ້ເລີ່ມປະຕິບັດແຜນການສຸກເສີນສອງລາຍຢ່າງວ່ອງໄວ, ເພື່ອຮັບມືກັບການປ່ຽນແປງຂອງສະຖານະການທີ່ອາດຈະເກີດຂຶ້ນ.
ທ່ານອານນານ ເລຂາທິການໃຫຍ່ສະຫະປະຊາຊາດໄດ້ຜ່ານໂຄສົກຂອງທ່ານອອກຖະແຫລງການ, ສະແດງຄວາມໄວ້ອາໄລຢ່າງສຸດເຊິ່ງຕໍ່ການເຖິງແກ່ກຳຂອງທ່ານອາລາຟັດ. ຖະແຫລງການຂຽນວ່າ, ທ່ານອາລາຟັດບໍ່ໄດ້ເຫັນຄວາມຝັນແຫ່ງສັນຕິພາບບັນລຸຜົນເປັນຈິງໃນໄລຍະທ່ານຍັງມີຊີວິດຢູ່ນັ້ນ, ແມ່ນເລື່ອງໂສກນາດຕະກຳ. ທ່ານອານນານຮຽກຮ້ອງປະຊາຊົນສອງຝ່າຍປາເລັສຕີນອິດສະລາແອນແລະປະຊາຊົນບັນດາປະເທດໃນໂລກທີ່ສົນໃຈນຳສະຖານະການປາເລັສຕີນອິດສະລາແອນນັ້ນຈ່ົງພະຍາຍາມທົບເທ່ົາເພື່ອບັນລຸໃຫ້ປະຊາຊົນປາເລັສຕີນມີສິດຕັດສິນໂດຍຕົນເອງໂດຍສັນຕິ.
ຕອນຮຸ່ງເຊົ້າວັນທີ 11 ພະຈິກ, ທ່ານບຸສ ປະທານາທິບໍດີອາເມລິກາກໍອອກຖະແຫລງການ, ສະແດງຄວາມໄວ້ອາໄລຕໍ່ປະຊາຊົນປາເລັສຕິນ.
|
|
|