|
ຕາມຂ່າວສານຊິນຮວາ,ວັນທີ14ພະຈິກ,ຝ່າຍທະຫານອາເມລິກາໄດ້ອອກຖະແຫຼງການວ່າ,ໃນການເຄື່ອນໄຫວທາງການທະຫານທີ່ກອງທະຫານອາເມລິກາປະຈຳອີຣັກດຳເນີນຢູ່ຟາລູຈານັ້ນ,ມີທະຫານອາເມລິກາ38ຄົນແລະທະຫານອີຣັກ6ຄົນຖືກຍິງຕາຍ,ແລະຍັງມີທະຫານອາເມລິກາອີກ275ຄົນບາດເຈັບ.
ຝ່າຍທະຫານອາເມລິກາຄາດຄະເນວ່າ,ຜູ້ປະກອບອາວຸດຕ້ານອາເມລິກາທີ່ຖືກຍິງຕາຍໃນບັ້ນລົບຟາລູຈາທີ່ຍືດເຍືອເປັນເວລາ1ອາທິດນັ້ນມີເຖິງ1200ກວ່າຄົນ.ໃນເວລາຕ້ອນຮັບການເຂົ້າສຳພາດຂອງໂທລະພາບແຫ່ງໜຶ່ງໃນວັນທີ14ພະຈິກ,ທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວຂອງອີຣັກກ່າວວ່າ,ໄດ້ມີປະມານ400ຄົນທີ່ຖືກສົງໄສເປັນຜູ້ປະກອບອາວຸດຕ້ານອາເມລິກາຖືກຈັບຕົວໃນການເຄື່ອນໄຫວທາງການທະຫານຢູ່ຟາລູຈາ.
ວັນທີ14ພະຈິກ,ເຈົ້າໜ້າທີ່ກອງທະຫານອາເມລິກາກ່າວວ່າ,ກອງທະຫານອາເມລິກາໄດ້ບຸກຍຶດເມືອງຟາລູຈາທັງໝົດແລ້ວ,ແຕ່ການສູ້ລົບກັບຜູ້ປະກອບອາວຸດຕ້ານອາເມລິກາກຸ່ມນ້ອຍຍັງຕ້ອງແກ່ຍາວໄປອີກຫຼາຍມື້.
1 2 3
|
