|
ສື່ມວນຊົນສິງກະໂປເຫັນວ່າສິງກະໂປກັບຈີນມີໄມຕີຈິດຕໍ່ກັນແມ່ນສອດຄ່ອງກັບຜົນປະໂຫຍດຂອງອາຊີປາຊີຟິກ
cri
Author: q
ຕາມຂ່າວສານຊິນຮວາ,ໜັງສືພິມລຽນເຮີຈາວປ້າວຂອງສິງກະໂປງສະບັບວັນທີ22ພະຈິກໄດ້ພິມບົດນຳທີ່ພາດຫົວເລື່ອງວ່າ,ສິງກະໂປກັບຈີນມີໄມຕີຈິດຕໍ່ກັນແມ່ນສອດຄ່ອງກັບຜົນປະໂຫຍດຂອງຂອງອາຊີປາຊີຟິກ,ເຫັນວ່າ,ຄຽງຄູ່ກັບບາດກ້າວປັບປຸງຢູ່ພາກພື້ນໄດ້ເລັ່ງລັດໄວເຂົ້າ, ການແລກປ່ຽນແລະຄວາມຮັບຮູ້ຄືກັນກ່ຽວກັບບັນຫາສຳຄັນຈຳນວນໜຶ່ງໃນພາກພື້ນລະຫວ່າງສິງກະໂປກັບຈີນແມ່ນປັດໃຈສຳຄັນທີ່ປົກປັກຮັກສາສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນ.
ບົດນຳຊີ້ອອກວ່າ,ການທີ່ທ່ານລີຊຽນລົງ ນາຍົກລັດຖະມົນຕີສິງກະໂປແລະທ່ານຫູຈິນທ່າວ ປະທານປະເທດຈີນພົບປະກັນຢູ່ຊັງຕີອາໂກ ນະຄອນຫຼວງຈີເລໃນວັນທີ19ພະຈິກນັ້ນເປັນຂີດໝາຍສະແດງໃຫ້ເຫັນວ່າ,ການພົວພັນການເມືອງສອງຝ່າຍພວມຟື້ນຟູຢ່າງຮອບດ້ານ.
ບົດນຳເຫັນວ່າ,ລັດຖະບານສິງກະໂປໄດ້ຍຶດໝັ້ນນະໂຍບາຍປະເທດຈີນດຽວໂດຍຕະຫຼອດ,ຄັດຄ້ານໄຕ້ຫວັນເປັນເອກະລາດ,ຫຼັກໝັ້ນໃນບັນຫາໄຕ້ຫວັນແມ່ນເດັດດ່ຽວໜຽວແໜ້ນແລະແຈ່ມແຈ້ງ.
|
|
