ຕາມ​ຂ່າວສານ​ຊິນ​ຮວາ: ວັນ​ທີ 24 ພະຈິກ ງານ​ແຂ່ງຂັນ​ກົ່ງ​ຟູ​ຊິງ​ຊະນະ​ເລີດ​ອາຊີ​ຄັ້ງທີ 6 ​ໄດ້​ຈັດ​ຂຶ້ນຢູ່​ຢາງ​ກຸງ ນະຄອນຫຼວງມຽນມາ. ທີ​ມມຽນມາ ປະ​ເທດ​ເຈົ້າພາບ​ຊິງ​ໄດ້ຫຼຽນ​ຄຳຫຼຽນທຳ​ອິດ. ນັກ​ກິລາ​ຈີນ​ເຊິ່ງ​ເປັນ​ແຫຼ່ງກຳ​ເນີ​ດກົ່ງ​ຟູ​ຊິງ​ໄດ້ຫຼຽນຄຳຫຼຽນທີ​ສອງ.

ນັກ​ກິລາ 530 ກວ່າ​ຄົນທີ່​ມາ​ຈາກ 25 ປະ​ເທດ​ແລະ​ເຂດ​ແຄວ້ນ​ຄື ຈີນ ຫວຽດນາມ ສິງ​ກະ​ໂປ ຍີ່​ປຸ່ນ ສ.​ເກົາຫຼີ ​ໄທ​ແລະ​ມຽນມາ​ເປັນຕົ້ນ​ໄດ້​ເຂົ້າຮ່ວມ​ງານ​ແຂ່ງຂັນ​ເທື່ອ​ນີ້. ນີ້​ແມ່ນ​ງານ​ແຂ່ງຂັນ​ກົ່ງ​ຟູ​ຄັ້ງໜຶ່ງ​ທີ່​ມີ​ປະ​ເທດ​ແລະ​ເຂດ​ແຄວ້ນ​ຫຼາຍ​ກວ່າ​ໝູ່​ແລະ​ມີນັກ​ກິລາ​ຫຼາຍ​ກວ່າ​ໝູ່​ເຂົ້າ​ຮ່ວມ​ຕັ້ງ​ແຕ່​ຈັດງານ​ແຂ່ງຂັນ​ກົ່ງ​ຟູຊິງ​ຊະນະ​ເລີດ​ອາຊີ​​ເລີ່​ມຈັດ​ຂຶ້ນ​ເມື່ອ​ປີ 1987 ​ເປັນຕົ້ນມາ, ກໍ​ແມ່ນ​ງານ​ແຂ່ງຂັນ​ສາກົນ​ຂະໜາດໃຫຍ່​ທີ່​ສຸດ​ທີ່​ມຽນມາ​ຈັດ​ຂຶ້ນ​ໃນ​ປະຫວັດສາດ.