|
ທ່ານຄຳໄຕ ສີພັນດອນກ່າວວ່າ, ລາວຈະຕັ້ງໜ້າປະຕິບັດຄວາມຮັບຮູ້ທີ່ຄືກັນກັບຈີນ
cri
Author: MO
ຕາມຂ່າວCRI: ວັນທີ 29 ພະຈິກ ຢູ່ນະຄອນຫລວງວຽງຈັນ, ໃນເວລາທ່ານຄຳໄຕ ສີພັນດອນ ປະທານປະເທດລາວພົບປະທ່ານເວີ່ນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາມນັ້ນ, ທ່ານກ່າວວ່າ, ຝ່າຍລາວຈະປະຕິບັດຄວາມຮັບຮູ້ຄືກັນທີ່ສຳຄັນຕ່າງໆທີ່ສອງຝ່າຍໄດ້ຕົກລົງກັນໃນການຢ້ຽມຢາມຂອງທ່ານເວີ່ນເຈຍປາວເທື່ອນີ້ຢ່າງເອົາຈິງເອົາຈັງ.
ທ່ານຄຳໄຕ ສີພັນດອນໄດ້ຕີລາຄາສູງຕໍ່ມິດຕະພາບອັນເປັນມູນເຊື້ອແລະການພົວພັນຮ່ວມມືທີ່ມີໄມຕີຈິດລະຫວ່າງລາວຈີນ, ແລະສະແດງຄວາມຂອບອົກຂອບໃຈຕໍ່ທ່ານເວີ່ນເຈຍປາວທີ່ໄດ້ມາຢ້ຽມຢາມລາວ ທັງເຂົ້າຮ່ວມບັນດາກອງປະຊຸມສຸດຍອດອາຊຽນຄື 10+3 ເປັນຕົ້ນ, ພ້ອມທັງໃຫ້ຄວາມຊ່ອຍເຫຼືອແກ່ກອງປະຊຸມເທື່ອນີ້.
ທ່ານເວີ່ນເຈຍປາວກ່າວວ່າ, ລັດຖະບານຈີນເອົາໃຈໃສ່ໃນລະດັບສູງນຳການພົວພັນໄມຕີຈິດແລະຮ່ວມມືກັນກັບລາວ. ທ່ານເວົ້າວ່າ, ຈີນຍິນດີພ້ອມກັນກັບຝ່າຍລາວ, ປັບປຸງແລະຂະຫຍາຍການພົວພັນລະຫວ່າງສອງປະເທດຢ່າງບໍ່ຢຸດຢັ້ງ,ເພື່ອນຳເອົາຜົນປະໂຫຍດແທ້ຈິງຫລາຍກວ່າເກົ່າມາໃຫ້ປະຊາຊົນສອງປະເທດ.
|
|
