|
ສ.ປ.ປ.ເກົາຫຼີເວົ້າວ່າ, ຈະຄອຍຖ້າລັດຖະບານຊຸດໜ້າຂອງອາເມລິກາປະກາດນະໂຍບາຍຕໍ່ສ.ປ.ປ.ເກົາຫຼີ
cri
Author: huachunmei
ຕາມຂ່າວສານຊິນຮວາ, ວັນທີ 4 ທັນວາ, ຢູ່ທີ່ພຽງຢາງ, ໂຄສົກກະຊວງການຕ່າງປະເທດສ.ປ.ປ.ເກົາຫຼີເວົ້າວ່າ, ຍ້ອນອາເມລິກາບໍ່ມີຄວາມຕັດສິນໃຈທີ່ຈະປ່ຽນແປງນະໂຍບາຍຕໍ່ສ.ປ.ປ.ເກົາຫຼີ, ປະຈຸບັນນນີ້ຍັງບໍ່ມີເງື່ອນໄຂແລະສະພາບແວດລ້ອມທີ່ຈະຈັດການເຈລະຈາຫົກຝ່າຍ, ສະນັ້ນ, ສ.ປ.ປ.ເກົາຫຼີບໍ່ຟ້າວຟື້ນຟູການເຈລະຈາ, ຈະອົດທົນຄອຍຖ້າລັດຖະບານຊຸດໃໝ່ຂອງອາເມລິກາປະກາດນະໂຍບາຍຕໍ່ສ.ປ.ປ.ເກົາຫຼີ.
ໂຄສົກຜູ່ນີ້ເວົ້າວ່າ, ຫຼັກໝັ້ນຂອງສ.ປ.ປ.ເກົາຫຼີກ່ຽວກັບການແກ້ໄຂບັນຫານິວເຄຼຍໂດຍຜ່ານການສົນທະນາກັນແລະປຶກສາຫາລືກັນນັ້ນບໍ່ໄດ້ປ່ຽນແປງ, ຍິນດີຊຸກຍູ້ຂະບວນວິວັດຂອງການເຈລະຈາຫົກຝ່າຍ. ທ່ານເວົ້າວ່າ, ການເຈລະຈາຫົກຝ່າຍຕົກຢູ່ສະພາບຄາກັນໃນປະຈຸບັນນີ້ແມ່ນຍ້ອນລັດຖະບານອາເມລິກາໄດ້ໂຄ່ນລົ້ມຄວາມເປັນເອກະພາບໃນການເຈລະຈາຫົກຝ່າຍຮອບສາມ, ດຳເນີນການກະທຳປໍລະປັກທີ່ໂຄ່ນລົ້ມລະບອບຂອງສ.ປ.ປ.ເກົາຫຼີ.
|
|
