|
ທ່ານປູຕິນຕິຕຽນນະໂຍບາຍການຕ່າງປະເທດລັດທີຝ່າຍດຽວຂອງອາເມລິກາ
cri
Author: huachunmei
ຕາມຂ່າວສານຊິນຮວາ, ວັນທີ 3 ທັນວາ, ຢູ່ທີ່ນິວແດນລີ, ທ່ານປູຕິນ ປະທານາທິບໍດີຣັດເຊຍທີ່ພວມຢ້ຽມຢາມຢູ່ອິນເດຍບໍ່ບົ່ງຊື່ ໄດ້ຕິຕຽນນະໂຍບາຍການຕ່າງປະເທດລັດທີຝ່າຍດຽວຂອງອາເມລິກາ, ແລະສະແດງຄວາມວິຕົກກັງວົນຕໍ່ສະຖານະການຄວາມປອດໄພຂອງອີຣັກໃນປະຈຸບັນ.
ໃນເວລາກ່າວຄຳປາໄສຢູ່ມູນນິທິເນເຮີລູ, ທ່ານປູຕີນເວົ້າວ່າ, ລັດທິຝ່າຍດຽວຈະເຮັດໃຫ້ຄວາມອັນຕະລາຍທີ່ອາວຸດສັງຫານຂະໜາດໃຫຍ່ຕົກຢູ່ໃນມືຂອງພວກກໍ່ການຮ້າຍນັ້ນຂຶ້ນຫຼາຍ, ແລະຈະພາໃຫ້ເກີດການປະທະກັນຢູ່ພາກພື້ນ. ທ່ານເວົ້າວ່າ, "ເຖິງວ່າໃສ່ເສື້ອປະຊາທິປະໄຕອັນສວຍງາມກໍ່ຕາມ, ແຕ່ໃນວຽກງານລະຫວ່າງຊາດ, ການປະພຶດຕາມໃຈກໍ່ບໍ່ມີຄວາມອາດສາມາດແກ້ໄຂທຸກບັນຫາ", "ຈົນກວ່າຈະມີຄວາມອາດສາມາດເຮັດໃຫ້ເຫດການຍິ່ງຮ້າຍກວ່າ".
ທ່ານປູຕິນຍັງຊີ້ອອກວ່າ, "ອີຣັກພວມກາຍເປັນຫ້ອງອຸ່ນສຳຄັນທີ່ບົ່ມຄວາມຂົ່ມຂູ່ຂອງກໍ່ການຮ້າຍ". ທ່ານເຫັນວ່າ, ການສົນທະນາກັນແລະການຮ່ວມມືກັນແມ່ນຊ່ອງທາງດຽວທີ່ເຮັດໃຫ້ສະຖານະການໝັ້ນທ່ຽງ.
|
|
