ຕາມ​ໜັງສືພິມ​ເສດຖະກິດ​ຫວຽດນາມ​ລາຍ​ງານ​ວ່າ: ຫວ່າງ​ມໍ່ໆ​ນີ້ ທ່ານ​ເຈີ​ນຕຽນ​ເກືອ​ງ ປະ​ທານ​ຄະນະ​ກຳມະການ​​ປະຕິ​ຮູບ​ແລະຄົ້ນຄວ້າວິ​ສາ​ຫະກິດຂອງ​ກະຊວງວາງ​ແຜນ​​ແລະ​ລົງທຶນ​ຫວຽດນາມ​ກ່າວ​ວ່າ, ກະຊວງ​ດັ່ງກ່າວ​ພວມ​ດັດ​ແກ້​ແລະ​​ເພີ່ມ​ເຕີມຂໍ້​ກຳນົດ​ຂອງ​ລັດຖະບານ​ກ່ຽວ​ກັບ​ການ​ກວມຊື້​​ເອົາວິ​ສາ​ຫະກິດ, ​ໃນ​ນັ້ນລວມທັງ​ອະນຸຍາດໃຫ້​ວິ​ສາ​ຫະ​ກິດ​ຕ່າງປະ​ເທດ​ຊື້​ເອົາ​ວິ​ສາ​ຫະ​ກິດ​ຫວຽດນາມ.

ທ່ານ​ກ່າວ​ວ່າ, ປະຈຸ​ບັນ ລັດຖະບານ​ພວມ​ວາງ​ຂໍ້​ກຳນົດ​ທີ່​ກ່ຽວຂ້ອງ, ບູລະນະ​ລະບຽບ​ການ​ໃຫ້​ສົມບູນ​ຂຶ້ນຈາກ​ດ້ານ​ກົດໝາຍ, ​ເພື່ອ​ສ້າງ​ເງື່ອນ​ໄຂ​ໃຫ້​ວິ​ສາ​ກະ​ກິດ​ຕ່າງປະ​ເທດ​ເຂົ້າຮ່ວມ​ການ​ປະ​ຕິຮູບ​ວິ​ສາ​ຫະກິດ​ຂອງ​ຫວຽດນາມ.