|
ຮອງນາຍົກລັດຖະມົນຕີອິດສະລະແອນກ່າວວ່າຄວນສືບຕໍ່ຖອນອອກຈາກຝັ່ງຕາເວັນຕົກແມ່ນ້ຳຈໍແດນຢ່າງຂະໜາດໃຫຍ່
cri
Author: q
ຕາມຂ່າວCRI,ໜັງສືພິມເຢລູຊາເລັມພົສຂອງອິດສະລະແອນສະບັບວັນທີ30ທັນວາລາຍງານວ່າ,ທ່ານເອອຸດໂອນເມີດຮອງນາຍົກລັດຖະມົນຕີທັງເປັນລັດຖະມົນຕີກະຊວງອຸດສາຫະກຳແລະການຄ້າອິດສະລະແອນກ່າວວ່າ,ບໍ່ວ່າປາເລັສຕິນມີຄູ່ເຈລະຈາສັນຕິພາບຫຼືບໍ່,ອິດສະລະແອນກໍຕ້ອງສືບຕໍ່ຖອນອອກຈາກຝັ່ງຕາເວັນຕົກແມ່ນ້ຳຈໍແດນຢ່າງຂະໜາດໃຫຍ່ພາຍຫຼັງຖອນອອກຈາກກາຊາແລະເຂດສ່ວນໜຶ່ງຂອງຝັ່ງຕາເວັນຕົກແມ່ນ້ຳຈໍແດນໃນປີໜ້າແລ້ວ.
ທ່ານໂອນເມີດຍັງກ່າວວ່າ,ອິດສະລະແອນບໍ່ສາມາດຮັບຮູ້ຄັກແນ່ວ່າທ່ານອັບບັສປະທານຄະນະບໍລິຫານງານອົງການປົດປ່ອຍປາເລັສຕິນຈະກາຍເປັນຄູ່ສັນຕິພາບຫຼືບໍ່,ໂດຍຄຳນຶງຫຼັກໝັ້ນອັນແຂງຄໍ່ຂອງທ່ານອາບັສໃນບັນຫາເສັ້ນຊາຍແດນສຸດທ້າຍລະຫວ່າງປາເລັສຕິນກັບອິດສະລະແອນ,ຖານະຂອງເຢລູຊາເລມ, ສິດກັບຄືນບ້ານເກີດຂອງຊາວອົບພະຍົບປາເລັສຕິນເປັນຕົ້ນ,ອິດສະລະແອນອາດຈະເຊັນສັນຍາສັນຕິພາບກັບທ່ານອັບບັສຍາກຫຼາຍ.
|
|
