|
ຕາມຂ່າວສານຊິນຮວາ,ວັນທີ 30 ທັນວາ,ຢູ່ເຂດທະເລມໍ່ແຂວງອາເຊ ທາງພາກຕາເວັນຕົກຂອງອິນໂດເນເຊຍໄດ້ມີປາຍແຜ່ນດິນໄຫວຢ່າງເດັ່ນຊັດເກີດຂຶ້ນຫຼາຍເທື່ອ,ເຮັດໃຫ້ປະຊາຊົນຜູ່ປະສົບໄພສະທ້ານຢ້າວກົວ
ຕາມຂ່າວລາຍງານວ່າ,ເວລາ 4 ໂມງເຄິ່ງຕອນເຊົ້າວັນທີ 30 ທັນວາ,ຢູ່ເຂດທະເລມໍ່ແຂວງອາເຊໄດ້ມີປາຍແຜ່ນດິນໄຫວຢ່າງເດັ່ນຊັດເກີດຂຶ້ນ 3 ເທື່ອ,ປະຊາຊົນຜູ່ປະສົບໄພຫຼາຍພັນຄົນໃນເມືອງບັນດາ ອາເຊ ເທດສະບານແຂວງອາເຊໄດ້ພາກັນຫນີອອກຈາກຜາມຫຼົບໄພເພາະຢ້ານຖືກຄື້ນທະເລຊູນາມີກະຫນ່ຳອີກເທື່ອຫນຶ່ງ.
ຜູ່ຊ່ຽວຊານຜູ່ຫນື່ງຂອງອົງການຕິດຕາມຢັ່ງແທກແຜ່ນດິນໄຫວອິນໂດເນເຊຍກ່າວວ່າ,ປາຍແຜ່ນດິນໄຫວທີ່ເກີດຂຶ້ນຢູ່ພູມທະເລມໍ່ແຂວງອາເຊແຮງເຖິງຂັ້ນ 5,1 ລິກເທີແລະຂັ້ນ 5,2 ລິກເທີ,ແຕ່ຈະບໍ່ພາໃຫ້ເກີດຂຶ້ນຄື້ນທະເລຊູນາມີອີກ.
ວັນທີ 30 ທັນວາ,ລັດຖະມົນຕີກະຊວງວຽກງານສັງຄົມຂອງອິນໂດເນເຊຍໄດ້ກ່າວຕໍ່ສື່ມວນຊົນວ່າ,ຍ້ອນມູນເຫດດ້ານການສັບຊ້ອນຈັດວາງ,ປະຈຸບັນ, ການເຄື່ອງຊ່ອຍເຫຼືອຫຼວງຫຼາຍຂອງສາກົນຍັງບໍ່ໄດ້ສົ່ງເຂົ້າອິນໂດເນເຊຍຢ່າງສະດວກເທື່ອ,ທ່ານຮັບປາກວ່າລັດຖະບານຈະແກ້ໄຂບັນຫາໃນດ້ານນີ້ໂດຍໄວ,ເພື່ອຮັບປະກັນໃຫ້ພັດສະດຸຊ່ອຍເຫຼືອຂົ່ນສົ່ງໄປຮອດເມດານໂດຍໄວແລະສົ່ງໄປຮອດເຂດປະສົບໄພຢ່າງສະດວກ.
|
