ຕາມຂ່າວCRI ,ວັນທີ 4 ມັງກອນ,ທ່ານອັບບາສ ປະທານຄະນະບໍລິຫານງານອົງການປົດປ່ອຍປາເລັສຕີນໄດ້ອອກຖະແຫຼງການ,ກ່າວປະນາມຢ່າງຮຸນແຮງຕໍ່ການກະທຳອັນຊົ່ວຮ້າຍຂອງທະຫານອິສລາແອນທີ່ເຂັ່ນຂ້າສາມັນຊົນປາເລັສຕີນຜູ່ບໍ່ມີໂທດຫຍັງຢູ່ພາກເຫນືອກາຊາໃນຕອນເຊົ້າວັນທີ 4 ມັງກອນ.
ຢູ່ແຖບກາຊາ,ທ່ານອັບບາສໄດ້ກ່າວຄຳປາໄສວ່າ,ຝ່າຍປາເລັສຕີນກ່າວປະນາມຢ່າງຮຸນແຮງຕໍ່ການກະທຳອັນປ່າເຖື່ອນຂອງທະຫານອິສລາແອນທີ່ເຂັ່ນຂ້າສາມັນຊົນປາເລັສຕີນຜູ່ບໍ່ມີໂທດຫຍັງຢ່າງບັງອາດເປີດແປນ,ພ້ອມກັນນັ້ນ,ທ່ານກໍກ່າວປະນາມການກະທຳຂອງຜູ່ປະກອບອາວຸດປາເລັສຕີນທີ່ຍິງລູກສອນໄຟໄປໃສ່ອິດສະລະແອນ,ແລະກ່າວວ່າການກະທຳແບບຢອກແນວນີ້ແມ່ນບໍ່ບໍ່ຮັບຜິດຊອບ
ຕອນເຊົ້າວັນທີ 4 ມັງກອນ,ຢູ່ມໍ່ຂະບວນລົດຂອງທ່ານອັບບາສທີ່ພວມດຳເນີນການເຄື່ອນໄຫວແຂ່ງຂັນເລືອກຕັ້ງຢູ່ພາກເຫນືອແຖບກາຊາໄດ້ເກີດເຫດ ການລະເບີດ,ແຕ່ທ່ານອັບບາສບໍ່ໄດ້ຖືກບາດເຈັບ,ຜູ່ຮັກສາຄວາມປອດໄພຂອງຝ່າຍປາເລັສຕີນກ່າວວ່າ,ການລະເບີດເທື່ອນີ້ອາດຈະແມ່ນຍ້ອນທະຫານອິສລາແອນຍິງປືນໃຫຍ່ມາໃສ່.
ວັນທີ 4 ມັງກອນ,ທ່ານຄູໄລ ນາຍົກລັດຖະມົນຕີລັດຖະບານປາເລັສຕີນ ປົກຄອງຕົນເອງກໍ່ໄດ້ກ່າວປະນາມຢ່າງຮຸນແຮງຕໍ່ກອງທະຫານອິສລາແອນທີ່ໃຊ້ການເຄື່ອນໄຫວທາງການທະຫານຢູ່ເຂດປາເລັສຕີນປົກຄອງ ຕົນເອງໃນຫວ່າງມໍ່ໆນີ້,ກ່າວວ່ານີ້ແມ່ນອິສລາແອນຕັ້ງແກ້ງກີດຂວາງການເລືອກຕັ້ງທົ່ວໄປຂອງປາເລັສຕີນທີ່ຕົກລົງຈະຈັດຂຶ້ນໃນວັນທີ 9 ມັງກອນ
|