|
ທ່ານອານນານກ່າວວ່າ, ສະພາບໃນເຂດປະສົບໄພຂອງອິນໂດເນເຊຍເຮັດໃຫ້ຄົນຕື່ນຕົກໃຈ
cri
Author: MO
ຕາມຂ່າວສານຊີນຮວາ: ວັນທີ 7 ມັງກອນ, ໃນເວລາທ່ານອານນານ ເລຂາທິການໃຫຍ່ສະຫະປະຊາຊາດໄປກວດການສະພາບປະສົບໄພຄື້ນທະເລຊູນາມີຢູ່ເຂດແຄມທະເລເກາະຊູມັດຕຼາແຫ່ງອິນໂດເນເຊຍນັ້ນ, ທ່ານກ່າວວ່າ, ລະດັບທຳລາຍທີ່ໄພພິບັດສ້າງຂຶ້ນຢູ່ທ້ອງຖິ່ນນັ້ນເຮັດໃຫ້ທ່ານຮູ້ສຶກຕື່ນຕົກໃຈທີ່ສຸດ.
ພາຍຫລັງກວດການແລ້ວ, ທ່ານອານນານກ່າວວ່າ, ຂ້າພະເຈົ້າບໍ່ເຄີຍເຫັນການທຳລາຍຢ່າງຮ້າຍແຮງປານນີ້. ດິນແດນແຕ່ລະຜືນໃນທ້ອງຖິ່ນລ້ວນແຕ່ຖືກທຳລາຍ. ໃນເວລາຢ້ຽມຢາມເມືອງເມລາໂບແຂວງອາເຊທີ່ຖືກຄື້ນທະເລຊູນາມີທຳລາຍເກືອບໝົດນັ້ນ, ທ່ານອານນານກ່າວວ່າ, ທ່ານໄດ້ເຫັນຜູ້ປະສົບໄພໄດ້ເລີ່ມດຳລົງຊີວິດຕໍ່ໄປແລ້ວ, ທ່ານເຊື່ອວ່າ, ພາຍໃຕ້ການຊ່ອຍເຫຼືອຂອງລັດຖະບານອິນໂດເນເຊຍແລະປະຊາຄົມໂລກ, ຜູ້ປະສົບໄພຈະສາມາດຟື້ນຟູຊີວິດເປັນປົກກະຕິໄດ້ຄືນໃໝ່, ແຕ່ຜູ້ປະສົບໄພຍັງຕ້ອງການການຊ່ອຍເຫຼືອຢ່າງແຂງແຮງ.
|
|
