|
|
 |
| (GMT+08:00)
2005-01-18 18:58:43
|
 |
|
ປາເລັສຕີນຈັດຕັ້ງກອງທະຫານເຂົ້າແຊກພິເສດເພື່ອສະກັດກັ້ນບໍ່ໃຫ້ຜູ້ປະກອບອາວຸດຫລອນໂຈມຕີເປົ້າໝາຍອິສລາແອນ
cri
Author: MO
ຕາມຂ່າວCRI: ວັນທີ 17 ມັງກອນ, ທ່ານອັບບາສ ປະທານອົງການອຳນາດແຫ່ງຊາດປາເລັສຕິນໄດ້ອອກຄຳສັ່ງໃຫ້ຈັດຕັ້ງກອງທະຫານເຂົ້າແຊກພິເສດ, ຮັບຜິດຊອບໂດຍຈຳເພາະສະກັດກັ້ນບໍ່ໃຫ້ຜູ້ປະກອບອາວຸດປາເລັສຕີນຍິງຈະຫລວດແລະລູກປຶນຄົກໃສ່ເປົ້າໝາຍອິສຣາແອນ.
ຕາມຊາບວ່າ, ກອງທະຫານກອງນີ້ມີ 500 ເຖິງ 700 ຄົນ.
ກ່ອນໜ້ານີ້, ທ່ານອັບບາສເຄີຍອອກຄຳສັ່ງໃຫ້ກອງທະຫານຮັກສາຄວາມປອດໄພປາເລັສຕີນໃຊ້ມາດຕະການສະກັດກັ້ນບໍ່ໃຫ້ເກີດການເຄື່ອນໄຫວດ້ວຍກຳລັງຮຸນແຮງທີ່ກ່ຽວຂ້ອງ, ແລະຮຽກຮ້ອງໃຫ້ຝ່າຍກ່ຽວຂ້ອງຂອງປາເລັສຕີນເຊົາການຫລອນໂຈມຕີດ້ວຍກຳລັງອາວຸດຕໍ່ເປົ້າໝາຍອິສຣາແອນ.
ແຕ່ໃນວັນທີ 17 ມັງກອນ, ອົງການຮາມັສ ຂະບວນການຕໍ່ຕ້ານອິສລາມປາເລັສຕິນ, ແນວໂຮມປົດປ່ອຍປະຊາຊົນປາເລັສຕີນ, ແລະກອງພົນນ້ອຍຜູ້ເສຍສະຫຼະອານອັກຊາຕ່າງໄດ້ໃຫ້ສຳພາດຫຼືອອກຖະແຫລງການ, ໄດ້ປະຕິເສດຄຳຮຽກຮ້ອງຂອງທ່ານອັບບາສກ່ຽວກັບການເຊົາຫລອນໂຈມຕີດ້ວຍກຳລັງອາວຸດຕໍ່ເປົ້າໝາຍອິສຣາແອນ. ເພື່ອເລື່ອງນີ້, ທ່ານອັບບາສຈະເດີນທາງໄປແຖບກາຊາໃນວັນທີ 19 ມັງກອນ, ປຶກສາຫາລືກັບຜູ້ແທນຝ່າຍຕ່າງໆກ່ຽວກັບການຊຳລະຄວາມປອດໄພພາຍໃນປາເລັສຕີນແນວໃດແລະເລື່ອງບັນລຸການຢຸດຍິງກັບອິສຣາແອນເປັນຕົ້ນ.
ໃນຂະນະດຽວກັນ, ໂດຍແນໃສ່ມາດຕະການຂອງຝ່າຍປາເລັສຕີນ, ກະຊວງປ້ອງກັນປະເທດອິສຣາແອນກ່າວວ່າ, ອິສຣາແອນກຽມຢຸດການເຄື່ອນໄຫວທາງການທະຫານຂະໜາດໃຫຍ່ຕໍ່ປາເລັສຕີນຊົ່ວຄາວ.
|
|
|
