|
|
 |
| (GMT+08:00)
2005-01-19 18:11:14
|
 |
|
ເຈົ້າໜ້າທີ່ອົງການສະຫະປະຊາຊາດກ່າວວ່າລະບົບເຕືອນໄພຄື້ນທະເລຊູນາມີມະຫາສະໝຸດອິນເດຍຈະດຳເນີນງານພາຍໃນໜຶ່ງປີ
cri
Author: li
ຕາມຂ່າວ CRI: ໃນກອງປະຊຸມຫຼຸດໄພໂລກທີ່ຈັດຂຶ້ນຢູ່ໂຄເບແຫ່ງຍີ່ປຸ່ນໃນວັນທີ 19 ມັງກອນ,ທ່ານໂຄອີຊີໂຣ ມາຊຸອູຣະ ຜູ້ອຳນວຍການໃຫຍ່ອົງການຢູເນັສໂກສະຫະປະຊາຊາດກ່າວວ່າ,ລະບົບເຕືອນໄພຄື້ນທະເລຊູນາມີມະຫາສະໝຸດອິນເດຍທີ່ເປັນລັກສະນະພາກພື້ນຈະໄດ້ດຳເນີນງານພາຍໃນບໍ່ຮອດໜຶ່ງປີ.
ທ່ານ ໂຄອີຊີໂຣ ມາຊຸອູຣະ ເວົ້າວ່າ,ໃນ 40 ປີທີ່ຜ່ານມາ,ອົງການຢູເນັສໂກສະຫະປະຊາຊາດໄດ້ສະສົມບົດຮຽນອັນປະເສີດໃນດ້ານສ້າງແລະນຳໃຊ້ລະບົບເຕືອນໄພຄື້ນທະເລຊູນາມີ,ອົງການດັ່ງກ່າວກຽມນຳໃຊ້ບົດຮຽນເຫຼົ່ານີ້ເຂົ້າໃນພາກພື້ນມະຫາສະໝຸດອິນເດຍ.
ພາຍຫຼັງເກີດໄພຄື້ນທະເລຊູນາມີມະຫາສະໝຸດອິນເດຍເມື່ອເດືອນທັນວາປີ 2004 ແລ້ວ,ການສ້າງລະບົບເຕືອນໄພຄື້ນທະເລຊູນາມີອັນບັງເກີດຜົນຢູ່ພາກພື້ນມະຫາສະໝຸດອິນເດຍກາຍເປັນຈຸດໜັກທີ່ວົງການຕ່າງໆເອົາໃຈໃສ່. ຫຼາຍປະເທດໄດ້ສະເໜີຂໍ້ລິເລີ່ມຫຼາຍຢ່າງກ່ຽວກັບການສ້າງລະບົບດັ່ງກ່າວແນວໃດ. ອົງການຢູເນັສໂກສະຫະປະຊາຊາດກຽມຈັດກອງປະຊຸມສອງເທື່ອຢູ່ປາຣີໃນເດືອນມີນາປີນີ້ ເພື່ອປະສານງານຂໍ້ລິເລີ່ມເຫຼົ່ານີ້.
|
|
|
