|
|
 |
| (GMT+08:00)
2005-01-22 20:05:00
|
 |
|
ຊາວອີຣັກທີ່ອາໃສຢູ່ເອມີລັບອາລັບສະໝັກເຂົ້າຮ່ວມການເລືອກຕັ້ງທົ່ວໄປ
cri
Author: li
ຕາມຂ່າວສານຊິນຮວາ: ວັນທີ 22 ມັງກອນ ທ່ານ ນີໂກລາ ບານເດວິນ ຜູ້ຮັບຜິດຊອບອົງການຍົກຍ້າຍພົນລະເມືອງສາກົນທີ່ຮັບຜິດຊອບການເລືອກຕັ້ງຂອງຊາວອີຣັກຢູ່ຕ່າງປະເທດໄດ້ປະກາດຕໍ່ສື່ມວນຊົນເອມີລັດອາລັບວ່າ,ນັບມາຮອດຕອນຄ່ຳວັນທີ 21 ມັງກອນ ໄດ້ມີຊາວອີຣັກທີ່ອາໃສຢູ່ເອມີລັດອາລັບ 4600 ກວ່າຄົນສະໝັກເຂົ້າຮ່ວມການເລືອກຕັ້ງທົ່ວໄປ.
ທ່ານບານເດວິນເວົ້າວ່າ,ອົງການຍົກຍ້າຍພົນລະເມືອງສາກົນໄດ້ກຳນົດເວລາ7 ມື້ ສຳລັບໃຫ້ຊາວອີຣັກຈົດທະບຽນເຂົ້າຮ່ວມການເລືອກຕັ້ງທົ່ວໄປ,ຄືນັບແຕ່ວັນທີ 17 ຮອດວັນທີ 23 ມັງກອນ. ຊາວອີຣັກທີ່ອາໃສຢູ່ເອມີລັດອາລັບມີເກີນ 1 ແສນຄົນ,ແຕ່ໃນສາມມື້ກ່ອນ,ຜູ້ທີ່ໄປຈົດທະບຽນໜ້ອຍທີ່ສຸດ. ເພື່ອດຶງດູດເອົາຊາວອີຣັກທີ່ອາໃສຢູ່ຕ່າງປະເທດຍິ່ງຫຼາຍເຂົ້າຮ່ວມການເລືອກຕັ້ງທົ່ວໄປຂອງອີຣັກທີ່ຈະຈັດຂຶ້ນໃນວັນທີ 30 ມັງກອນ,ອົງການດັ່ງກ່າວໄດ້ຕໍ່ເວລາເຊົາຈົດທະບຽນໃນແຕ່ລະມື້ຈາກ 5 ໂມງແລງໄປຮອດ 7 ໂມງຄ່ຳ,ແລະໄດ້ຜ່ານສື່ມວນຊົນທ້ອງຖິ່ນໂຄສະນາການເລືອກຕັ້ງເທື່ອນີ້. ດັ່ງນັ້ນ ໃນສອງມື້ມານີ້ ຈຳນວນຄົນຈົດທະບຽນໄດ້ເພີ່ມຂຶ້ນຢ່າງເດັ່ນຊັດ.
|
|
|
