|
ຕາມຂ່າວສານຊິນຮວາ,ວັນທີ 25 ມັງກອນ,ຢູ່ທີ່ມານີລາ,ທ່ານໂລມູໂລ ລັດຖະ ມົນຕີການຕ່າງປະເທດຟິລິບປິນໄດ້ກ່າວຕໍ່ສື່ມວນຊົນວ່າ,ລັດຖະບານຟິລິບປິນຫວັງໃຫ້ຟື້ນຟູການເຈລະຈາສັນຕິພາບກັບພັກກອມມູນິດຟິລິບປິນໂດຍໄວເທົ່າທີ່ຈະໄວໄດ້,ທ່ານຈະເດີນທາງໄປປະເທດໂຮນລັງແລະນອກແວໃນວັນທີ 25 ມັງກອນ,ເພື່ອຫາລືກັນກ່ຽວກັບປະເທດເອີລົບຊ່ອຍເຫຼືອການຟື້ນຟູການເຈລະຈາສັນຕິພາບ
ທ່ານໂລມູໂລກ່າວວ່າ,ທ່ານກັບເຈົ້າຫນ້າທີ່ໂຣນລັງຈະຫາລືກັນກ່ຽວກັບທ່ານເຮີໄຊ ຊີຊົງ ຜູ່ນຳພັກກອມມູນິດຟິລິບປິນທີ່ພັດຖິ່ນຢູ່ໂຮນລັງເປັນເວລາດົນນານກັບຄືນປະເທດ.ທ່ານຈະກ່າວລຶ້ມຕໍ່ເຈົ້າຫນ້າທີ່ໂຮນລັງວ່າ,ຫຼັງຈາກທ່ານຊີຊົງກັບຄືນປະເທດ ແລ້ວ,ຄວາມປອດໄພແລະເສລີພາບຂອງທ່ານຈະໄດ້ຮັບການຮັບປະກັນ, ລັດຖະບານຟິລິປປິນຊົມເຊີຍທ່ານເຂົ້າຮ່ວມຂະບວນການປະຕິຮູບການເມືອງຂອງລັດ
ເດືອນສິງຫາປີ 2004,ພັກກອມມູນິດຟິລິບປິນໄດ້ຢຸດການເຈລະຈາສັນຕິພາບກັບລັດຖະບານຟິລິບປິນ,ມູນເຫດແມ່ນອາເມລິກາແລະສະຫະພາບເອີລົບສືບຕໍ່ຖືພັກກອມມູນິດຟິລິບປິນແລະກອງທະຫານປະຊາຊົນໃຫມ່ເປັນນອົງການກໍ່ການຮ້າຍຕ່າງປະເທດ.
|
