|
ຕາມຂ່າວສານຊິນຮວາ,ວັນທີ 31 ມັງກອນ,ກອງປະຊຸມລັດຖະມົນຕີການຕ່າງປະເທດສະຫະພາບເອີລົບທີ່ພວມຈັດຂຶ້ນຢູ່ບຼູແຊນໄດ້ສະແດງຄວາມສະຫນັບສະຫນູນການພົບປະລະຫວ່າງທ່ານອັບບາສ ປະທານອົງການອຳນາດແຫ່ງຊາດປາເລັສຕີນແລະທ່ານຊາລົງ ນາຍົກລັດຖະມົນຕີອິສລາແອນເຊິ່ງຈະຈັດຂຶ້ນໃນໄວໆນີ້,ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງພ້ອມກັນທຳຄວາມພະຍາຍາມ, ດຳເນີນແຜນການເສັ້ນທາງສັນຕິພາບຕາເວັນອອກກາງ
ໃນງານຖະແຫຼງຂ່າວທີ່ຈັດຂຶ້ນຫຼັງກອງປະຊຸມ,ທ່ານອາເຊບອນລັດຖະມົນຕີການຕ່າງປະເທດລຸກຊຳບັວກ ປະເທດປະທານຝຽນຂອງສະຫະພາບເອີລົບກ່າວວ່າ,ປາເລັສຕີນອິສລາແອນຟື້ນຟູການພົບປະຊັ້ນສູງແມ່ນວີແວວອັນຕັ້ງຫນ້າ,ເວລາດຳເນີນຂະບວນວິວັດສັນຕິພາບຕາເວັນອອກກາງໄດ້ສຸກງອມແລ້ວ
ທ່ານໂຊລານາ ຜູ່ແທນຊັ້ນສູງທີ່ຮັບຜິດຊອບວຽກງານການຕ່າງປະເທດແລະຄວາມປອດໄພຂອງສະຫະພາບເອີລົບກໍໄດ້ຮຽກຮ້ອງໃຫ້ປາເລັສ ຕີນອິສລາແອນພະຍາຍາມກ້າວໄປສູ່ແຜນການເສັ້ນທາງສັນຕິພາບ
|
