|
|
 |
| (GMT+08:00)
2005-02-03 21:29:46
|
|
ຫວຽດນາມມີຜູ້ຖືກສົງໄສເປັນໄຂ້ຫວັດສັດປີກເພີ່ມຂຶ້ນ 8 ຄົນ
cri
Author: li
ຕາມຂ່າວ CRI: ວັນທີ 3 ກຸມພາ ຝ່າຍທາງການຫວຽດນາມລາຍງານວ່າ,ຢູ່ພາກເໜືອຫວຽດນາມໄດ້ມີຜູ້ຖືກສົງໄສເປັນໄຂ້ຫວັດສັດປີກເພີ່ມຂຶ້ນອີກ 8 ຄົນ.
ແຕ່ທ້າຍປີ 2004 ຮອດຕົ້ນປີ 2005 ຢູ່ຫວຽດນາມໄດ້ມີ 12 ຄົນຕາຍຍ້ອນໄຂ້ຫວັດສັດປີກ. ດ້ວຍເຫດນີ້ ລັດຖະບານຫວຽດນາມໄດ້ສັ່ງໃຫ້ຂ້າໄກ່ 1 ລ້ານ 2 ແສນໂຕຢູ່ 33 ແຫ່ງທີ່ມີໄຂ້ຫວັດສັດປີກໃນທົ່ວປະເທດ,ແລະຄວບຄຸມຂາເຂົ້າຂາອອກປະເພດສັດປີກຢ່າງເຄັ່ງຄັດ,ຕັກເຕືອນແລະເກືອດຫ້າມບໍ່ໃຫ້ປະຊາຊົນກິນສັດປີກທີ່ຕາຍແລະເປັນພະຍາດ. ກ່ອນໜ້ານີ້ ລັດຖະບານຫວຽດນາມໄດ້ຂໍຄວາມຊ່ອຍເຫຼືອຈາກອົງການຈັດຕັ້ງສາກົນເຊັ່ນອົງການອະນາໄມໂລກເປັນຕົ້ນ. ອົງການອະນາໄມໂລກກ່າວວ່າ,ຈະແຕ່ງຜູ້ຊ່ຽວຊານໄປຫວຽດນາມໃນມໍ່ໆນີ້ ເພື່ອຊ່ອຍຫວຽດນາມປ້ອງກັນແລະຄວບຄຸມໄຂ້ຫວັດສັດປີກ.
ນອກນີ້ ຂ່າວແຈ້ງວ່າ,ຫວຽດນາມກັບກຳປູເຈຍໄດ້ຮ່ວມມືກັນຫຼາຍກວ່າເກົ່າ,ປ້ອງກັນບໍ່ໃຫ້ໄຂ້ຫວັດສັດປີກແຜ່ລາມຢູ່ເຂດຊາຍແດນລະຫວ່າງສອງປະເທດ.
|
|
|
