|
|
 |
| (GMT+08:00)
2005-02-22 16:33:33
|
 |
|
ທ່ານກິມເຈິງອິນພົບປະທ່ານວັງເຈຍຢຸຍ
cri
Author: li
ຕາມຂ່າວສານຊິນຮວາ: ວັນທີ 21 ກຸມພາ ຢູ່ພຽງຢາງ ທ່ານກິມເຈິງອິນ ຜູ້ນຳສປປເກົາຫຼີໄດ້ພົບປະທ່ານວັງເຈຍຢຸຍ ຫົວໜ້າຄະນະພົວພັນກັບຕ່າງປະເທດຂອງສູນກາງພັກກອມມູນິດຈີນທີ່ໄປຢາມ.
ໃນການພົບປະ,ທ່ານວັງເຈຍຢຸຍໄດ້ເລົ່າຄວາມຝາກຂອງທ່ານຫູຈິນທາວ ປະທານປະເທດຈີນເຖິງທ່ານກິມເຈິງອິນ. ຄວາມຝາກຂອງທ່ານຫູຈິນທາວກ່າວວ່າ,ຈີນແລະສປປເກົາຫຼີລ້ວນແຕ່ຍຶດໝັ້ນຫຼັກໝັ້ນທີ່ໃຫ້ແຫຼມເກົາຫຼີປອດນິວເຄຼຍແລະຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ,ເຫັນວ່າ,ຜ່ານຈາກການເຈລະຈາ 6 ຝ່າຍມາແກ້ໄຂບັນຫານິວເຄຼຍແລະຄວາມເອົາໃຈໃສ່ທີ່ສົມເຫດສົມຜົນຂອງຝ່າຍສປປເກົາຫຼີແມ່ນສອດຄ່ອງກັບຜົນປະໂຫຍດກົກຮາກຂອງສອງຝ່າຍຈີນແລະສປປເກົາຫຼີ. ທ່ານຫູຈິນທາວຍັງຫວັງໃຫ້ການພົວພັນມິດຕະພາບລະຫວ່າງຈີນກັບສປປເກົາຫຼີສືບຕໍ່ໄດ້ຮັບການຂະຫຍາຍຕົວຍິ່ງຫຼາຍກວ່າເກົ່າໃນປີໃໝ່.
ທ່ານກິມເຈິງອິນສະແດງຄວາມຂອບໃຈຕໍ່ຄຳຝາກຂອງທ່ານຫູຈິນທາວ,ທ່ານໄດ້ຕີລາຄາຢ່າງຕັ້ງໜ້າຕໍ່ຈີນທີ່ໄດ້ທຳຄວາມພະຍາຍາມເພື່ອຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ. ທ່ານກິມເຈິງອິນກ່າວວ່າ,ຍາມໃດ ຝ່າຍສປປເກົາຫຼີກໍບໍ່ຄັດຄ້ານການເຈລະຈາ 6 ຝ່າຍ,ຍິ່ງບໍ່ແມ່ນຈະຖອນອອກຈາກການເຈລະຈາ 6 ຝ່າຍ. ໃນໄລຍະຕໍ່ໄປ,ຖ້າການເຈລະຈາ 6 ຝ່າຍຮອບທີ 4 ມີເງື່ອນໄຂແລ້ວ,ຝ່າຍສປປເກົາຫຼີຍິນດີກັບຄືນໂຕະເຈລະຈາຢູ່ທຸກເວລາ.
|
|
|
