ຕາມ​ຂ່າວສານ​ຊິນ​ຮວາ: ວັນ​ທີ 22 ກຸມພາ ຢູ່​ນະຄອນ​ໂຮ່ຈິ​ມິນ, ຜູ່​ແທນ​ອົງການ​ຟາ​ວ ສະ​ຫະ​ປະຊາ​ຊາດປະຈຳຫວຽດນາມ​ກ່າວ​ວ່າ, ປະຈຸ​ບັນ ພະຍາດ​ໄຂ້ຫວັດ​ສັດ​ປີກ​ໄດ້​ຜັນ​ແປ​ເປັນ​ພະ​ຍາດ​ທ້ອງ​ຖິ່ນ, ປະຊາ​ຄົມ​ໂລກ​ຕ້ອງ​ເພີ່ມ​ທະວີ​ການ​ຮ່ວມ​ມື​ຕື່ມອີກ, ປ້ອງ​ກັນ​​ແລະ​ຄວບ​ຄຸມ​ບໍ່​ໃຫ້​ມັນ​ແຜ່​ລະບາດ​ແລະ​ຂົ່ມຂູ່​​ມະນຸດ​ເຮົາ.

ກ່ອນ​ຈະ​ໄຂ​ກອງ​ປະຊຸມປ້ອງ​ກັນ​ແລະ​ຄວບ​ຄຸມ​ເຂດ​ເກີດ​ພະຍາດ​ໄຂ້ຫວັດ​ສັດ​ປີກ​ອາ​ຊີ​ຄັ້ງ​ທີ​ສອງ, ຜູ່​ແທນ​ອົງການ​ຟາ​ວສະຫະ​ປະຊາ​ຊາດ​ປະຈຳ​ຫວຽດ​ນາມ​ໄດ້​ໃຫ້​ສຳ​ພາດ​ຕໍ່​ນັກ​ຂ່າວ​ຊິນ​ຮວາ​, ທ່ານ​ເວົ້າວ່າ, ປະຈຸ​ບັນ ພະຍາດ​ໄຂ້ຫວັດ​ສັດ​ປີກ​ໄດ້​ກາຍ​ເປັນ​ພະ​ຍາດ​ທ້ອງ​ຖິ່ນ​ຂອງ​ຫວຽດ​ນາມ ​ໄທ​ແລະ​ອິນ​ໂດ​ເນ​ເຊຍ, ວຽກ​ງານ​ປ້ອງ​ກັນ​ແລະ​ຄວບ​ຄຸມ​ຕ້ອງ​ການ​​ໃຫ້​ມີ​ການ​ຮ່ວມ​ມື​ກັນຢ່າງ​ແໜ້ນ​ແຟ້ນ​ແລະຄວາມພະຍາຍາມ​ຢ່າງ​ບໍ່​ລົດ​ລະຢູ່ລະ​ຫວ່າງ​ປະ​ເທດ ລະ​ຫວ່າງ​ພາກ​ພື້ນ​ແລະ​ລະຫວ່າງ​ລັດຖະ​ບານ​.