ຕາມຂ່າວ CRI: ວັນທີ 24 ກຸມພາ ລັດຖະບານປົກຄອງຕົນເອງຊຸດໃໝ່ຂອງປາເລັສຕີນໄດ້ສາບານຕົວຂຶ້ນຮັບຕຳແໜ່ງຢູ່ລາມາລາເມືອງຝັ່ງຕາເວັນຕົກແມ່ນ້ຳຈໍແດນ.
ພາຍຫຼັງເປັນປະທານຈັດພິທີຂຶ້ນຮັບຕຳແໜ່ງແລ້ວ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນເວົ້າວ່າ,ລັດຖະບານປົກຄອງຕົນເອງຊຸດໃໝ່ຂອງປາເລັສຕີນປະກອບດ້ວຍຜູ້ມີຄວາມຮູ້ແບບຜູ້ຊ່ຽວຊານທີ່ອາຍຸໜຸ່ມແລະສຸຂະພາບເຂັ້ມແຂງ,ທ່ານມີຄວາມໝັ້ນໃຈເຕັມປ່ຽມຕໍ່ຄວາມສາມາດປົກຄອງຂອງສະມາຊິກລັດຖະບານ. ຕາມໄດ້ຊາບ,ໃນສະມາຊິກຄະນະລັດຖະບານໃໝ່ 24 ຄົນ ມີແຕ່ 6 ຄົນມາຈາກລັດຖະບານຊຸດກ່ອນຂອງທ່ານຄູໄລ.
ວັນທີ 24 ກຸມພາ ທ່ານຊາໂລມ ລັດຖະມົນຕີການຕ່າງປະເທດອິສຣາແອນກ່າວວ່າ,ຫວັງໃຫ້ລັດຖະບານຊຸດໃໝ່ຂອງປາເລັສຕີນໃຊ້ນະໂຍບາຍໃໝ່ໃນດ້ານໂຈມຕີອົງການຫົວຮຸນແຮງ,ບັນລຸສັນຕິພາບກັບອິສຣາແອນ.
|