|
ຕາມຂ່າວCRI ວັນທີ 24 ກຸມພາ ທ່ານຊາຈູຄັ່ງ ຜູ່ແທນຈີນປະຈຳອົງການສະຫະປະຊາຊາດທີ່ເຊີແນວຊີ້ອອກວ່າ,ຈີນມີເຈດຈຳນົງໃຫ້ສ້າງກົນໄກຄຸ້ມຄອງຫຼາຍຝ່າຍຊະນິດຫນຶ່ງທີ່ຍິ່ງມີຜົນດີຕໍ່ການພັດທະນາອິນເຕີເນັດ ຍິ່ງສົມເຫດສົມຜົນ ແລະທ່ຽງທຳກວ່າເກົ່າ
ໃນກອງປະຊຸມກະກຽມຄັ້ງທີສອງຂອງກອງປະຊຸມສຸດຍອດສັງຄົມຂໍ້ມູນຂ່າວສານໃນມື້ດຽວກັນ ,ທ່ານຊາຈູຄັ່ງໄດ້ປະກອບຄຳຄິດຄຳເຫັນວ່າ,ອິນເຕີເນັດໃນຖານເປັນພື້ນຖານໂຄງລ່າງສາທາ ລະນະໃນທົ່ວໂລກ,ການຄຸ້ມຄອງສາກົນຂອງອິນເຕີເນັດຄວນເປັນແບບຫຼາຍຝ່າຍ ໂປ່ງໃສແລະປະຊາທິປະໄຕ ມີລັດຖະບານ ພາກສ່ວນເອກະຊົນ ອົງການຈັດຕັ້ງມວນຊົນແລະອົງການສາກົນເຂົ້າຮ່ວມຢ່າງຮອບດ້ານ,ຄວນຮັບປະກັນໃຫ້ຈັດສັນຊັບພະຍາກອນຢ່າງທ່ຽງທຳ ໃຫ້ຄົນທັງຫມົດເຂົ້າອິນເຕີເນັດຢ່າງສະດວກ,ແລະຮັບປະກັນໃຫ້ອິນເຕີເນັດຫມູນເດີນຢ່າງຫມັ້ນທ່ຽງແລະປອດໄພ
ທ່ານຊາຈູຄັ່ງຍັງຊີ້ອອກວ່າ ສິດຕົກລົງນະໂຍບາຍສາທາລະນະຂອງອິນເຕີເນັດແມ່ນອະທິປະໄຕຂອງບັນດາປະເທດ ລັດຖະບານບັນດາປະເທດຄວນເສີມຂະຫຍາຍບົດບາດນຳພາໃນເວລາປະເທດໃຜລາວຕົກລົງນະໂຍບາຍຂອງປະເທດຕົນ
|
