|
|
 |
| (GMT+08:00)
2005-03-07 22:22:55
|
 |
|
ນາຍົກລັດຖະມົນຕີກຳປູເຈຍກ່າວເນັ້ນວ່າຕ້ອງສືບຕໍ່ຍົກຖານະແມ່ຍິງໃຫ້ສູງຂຶ້ນ
cri
Author: mo
ຕາມຂ່າວສານຊີນຮວາ: ວັນທີ 7 ມີນາ, ໃນງານສະຫຼອງວັນແມ່ຍິງສາກົນ 8 ມີນາທີ່ຈັດຂຶ້ນຢູ່ພະນົມເປັນ, ສົມເດັດຮຸນແຊນ ນາຍົກລັດຖະມົນຕີກຳປູເຈຍໄດ້ກ່າວຄຳປາໄສ, ໂດຍກ່າວເນັ້ນວ່າ, ຕ້ອງຍົກຖານະແມ່ຍິງໃຫ້ສູງຂຶ້ນຕື່ມອີກ, ເສີມຂະຫຍາຍບົດບາດທີ່ເປັນກຳລັງຫຼັກແຫຼ່ງຂອງພວກເຂົາເຈົ້າໃນການພັດທະນາເສດຖະກິດແລະສັງຄົມແຫ່ງຊາດ.
ສົມເດັດຮຸນແຊນກ່າວວ່າ, ເພື່ອເລັ່ງລັດບາດກ້າວສ້າງສາເສດຖະກິດແຫ່ງຊາດແລະສັງຄົມ, ຕ້ອງເລັ່ງລັດບາດກ້າວບູລະນະກົດໝາຍກົດບັນຍັດທີ່ປົກປັກຮັກສາແມ່ຍິງແລະເດັກນ້ອຍ, ໂດຍສະເພາະຕ້ອງວາງແລະປະກາດກົດໝາຍວ່າດ້ວຍການຕ້ານການຄ້າແມ່ຍິງແລະເດັກນ້ອຍ, ແລະກົດໝາຍວ່າດ້ວຍຕ້ານກຳລັງຮຸນແຮງໃນຄອບຄົວນັ້ນໂດຍໄວເທົ່າທີ່ຈະໄວໄດ້; ໃຊ້ມາດຕະການທີ່ບັງເກີດຜົນຕ່າງໆຄືໃຫ້ເງິນກູ້ຈຳນວນໜ້ອຍໂດຍຈຳເພາະຊ່ອຍແມ່ຍິງ, ໂດຍສະເພາະຕ້ອງຍົກຄວາມສາມາດເຂົ້າຮ່ວມວຽກງານເສດຖະກິດຂອງແມ່ຍິງຊົນນະບົດອັນພສານໃຫ້ສູງຂຶ້ນ, ເຮັດໃຫ້ແມ່ຍິງເຂົ້າໃຈຄວາມຮູ້ດ້ານສຸຂະພາບຍິ່ງຫລາຍກວ່າເກົ່າ; ຍົກອັດຕາເຂົ້າຮຽນຂອງເດັກຍິງໃຫ້ສູງຂຶ້ນ, ເພີ່ມທະວີວຽກງານລົບລ້າງການກືກໜັງສືຂອງແມ່ຍິງ.
ສົມເດັດຮຸນແຊນຊີ້ອອກວ່າ, ເມື່ອໄດ້ທຳຄວາມພະຍາຍາມຢ່າງບໍ່ຢຸດຢັ້ງ, ຖານະແລະບົດບາດຂອງແມ່ຍິງກຳປູເຈຍໄດ້ຍົກສູງຂຶ້ນເລື້ອຍໆ, ອັດຕາເຂົ້າຮ່ວມແລະຫາລືການປົກຄອງຂອງແມ່ຍິງໄດ້ສູງຂຶ້ນເທື່ອລະກ້າວ.
|
|
|
