ຕາມຂ່າວCRI: ວັນທີ 9 ມີນາ, ທ່ານ ລາຈຸບ ທີ່ປຶກສາປອດໄພແຫ່ງຊາດປາເລັສຕິນກ່າວວ່າ, ຝ່າຍປະກອບອາວຸດຕ່າງໆຂອງປາເລັສຕິນເຫັນດີສິ້ນສຸດການຫຼອນໂຈມຕີເປົ້າໝາຍທັງໝົດໃນອິສຣາແອນ.
ໃນເວລາໃຫ້ສຳພາດຂ່າວຂອງວິທະຍຸອິສຣາແອນ, ທ່ານ ລາຈຸບກ່າວວ່າ, ພາຍໃນປາເລັສຕິນໄດ້ບັນລຸເປັນເອກະສັນກັນຮອບໃໝ່, ສິ້ນສຸດການຫຼອນໂຈມຕີເປົ້າໝາຍທັງໝົດຂອງອິສຣາແອນພາຍໃນເສັ້ນຢຸດຍິງກ່ອນສົງຄຳພາກຕາເວັນອອກກາງປີ 1967, ເພື່ອສ້າງເງື່ອນໄຂໃຫ້ແກ່ການເຈລະຈາສັນຕິພາບລະຫວ່າງປາເລັສຕິນແລະອິສຣາແອນ.
ໃນຂະນະດຽວກັນນັ້ນ ທ່ານ ລາຈຸບເຜີຍໃຫ້ຮູ້ວ່າ, ອົງການ ຮາມັສໄດ້ກຽມເຂົ້າຮ່ວມອົງການປົດປ່ອຍປາເລັສຕິນ, ພ້ອມທັງຕົກລົງເຂົ້າຮ່ວມການເລືອກຕັ້ງຄະນະກຳມະການນິຕິບັນຍັດປາເລັສຕິນທີ່ຈັດຂຶ້ນໃນເດືອນກໍລະກົດປີນີ້.
|