ຕາມ​ຂ່າວສານ​ຊິນ​ຮວາ ວັນ​ທີ 11 ມີນາ ທ່ານຊາ​ອຸນ ​ໂມ​ຟາ​ສ ລັດຖະມົນຕີ​ກະຊວງ​ປ້ອງ​ກັນ​ປະ​​ເທດ ອິສລາ​ແອນ​​ໄດ້​ຕົກລົງ​ວ່າ ຈະ​ເຮັດ​ສຳເລັດແຜນການຖອນ​ອອກ​ຈາກຈຸດ​ຕັ້ງ​ຖິ່ນ​ຖານຂອງ​ຊາວ​ຢິວທີ່​ແຕ່​ເດີມ​ກະຈະ​ໃຊ້​ເວລາ 8 ອາທິດນັ້ນ​ໃຫ້​ແລ້ວ​ພາຍ​ໃນ 4 ອາທິດ

ຕາມ​ແຜນການອິສລາ​ແອນ​ຈະ​ແບ່ງອອກ​ເປັນ 4 ​ໄລຍະ​ຖອນອອກ​ຈາກຈຸດ​ຕັ້ງ​ຖິ່ນ​ຖານ​ຂອງຊາວ​ຢິວທັງຫມົດຢູ່​ແຖບ​ກາ​ຊາ​ແລະ​ຈຸດ​ຕັ້ງ​ຖິ່ນ​ຖານ 4 ​ແຫ່ງຢູ່​ພາກ​ເຫນືອ​ຝັ່ງ​ຕາ​ເວັນຕົກ​ແມ່​ນ້ຳ​ຈໍ​ແດນນແຕ່​ວັນ​ທີ 20 ກໍລະກົດ​ເປັນ​ຕົ້ນ​ໄປ

ຕາມ​ຊາບວ່າ  ທ່ານ​​ໂມ​ຟາ​ສ​​ຫຍໍ້ຕາລາງ​ເວລາ​ຖອນອອກ​ໃຫ້​ໄວ​ເຂົ້າສຳຄັນ​ແມ່ນຍ້ອນ ​ເປັນ​ຫ່ວງ​ການ​ເຄື່ອນ​ໄຫວອັນຍືດ​ຍາວ​ຈະ​​ກະຕຸກ​ໃຫ້ຄວາມ​ຂັດ​ແຍ່ງ​ກັນລະ​ຫວ່າງ​ທະຫານ​ຕຳຫຼວດທີ່​ປະຕິບັດ​ຫນ້າ​ທີ່​ກັບ​ຊາວ​ຢິວຢູ່​ແຫ່ງ​ນັ້ນດຸ​ເດືອດ​ຂຶ້ນ​,​ແລ້ວ​ຈະ​ເຮັດ​ໃຫ້​ເກີດ​ການ​ປະ​ທະ​ກັນ​