|
ທ່ານບຸສກ່າວເນັ້ນວ່າ, ແຫຼມເກົາຫລີຕ້ອງບັນລຸການປອດນິວເຄຼຍ
cri
Author: mo
ຕາມຂ່າວສານຊີນຮວາ: ວັນທີ 23 ມີນາ, ທ່ານບຸສ ປະທານາທິບໍດີອາເມລິກາກ່າວເນັ້ນວ່າ, ເພື່ອເຮັດໃຫ້ພາກພື້ນຕາເວັນອອກໄກມີຄວາມປອດໄພແລະສະຖຽນລະພາບ, ແຫຼມເກົາຫລີຕ້ອງບັນລຸການປອດນິວເຄຼຍ. ແຕ່ທ່ານບໍ່ໄດ້ກຳນົດເວລາສຸດທ້າຍທີ່ໃຫ້ສປປເກົາຫລີຟື້ນຟູການເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີ.
ການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີໄດ້ຈັດຂຶ້ນ 3 ຮອບແລ້ວໂດຍມີຈີນນັ່ງເປັນປະທານ. ພາຍລຸນມາ, ສປປເກົາຫລີປະຕິເສດບໍ່ຂົ້າຮ່ວມການເຈລະຈາ 6 ຝ່າຍຕໍ່ດ້ວຍຂໍ້ອ້າງທີ່ວ່າອາເມລິກາຍຶດໝັ້ນນະໂຍບາຍເປັນປໍລະປັກກັບສປປເກົາຫລີ. ວັນທີ 22 ມີນາ, ທ່ານປັກບົງຈູ ນາຍົກລັດຖະມົນຕີສປປເກົາຫລີກ່າວວ່າ, ຫລັກໝັ້ນຂອງຝ່າຍສປປເກົາຫລີທີ່ບັນລຸການປອດນິວເຄຼຍຢູ່ແຫຼມເກົາຫລີແລະແກ້ໄຂບັນຫານິວເຄຼຍໂດຍສັນຕິຜ່ານການສົນທະນາກັນນັ້ນບໍ່ມີການປ່ຽນແປງ, ທະແນມແຕ່ມີເງື່ອນໄຂແຫ່ງການເຈລະຈາ, ຝ່າຍສປປເກົາຫລີຈະເຂົ້າຮ່ວມການເຈລະຈາ 6 ຝ່າຍໄດ້ໃນທຸກເວລາ.
|
|
