ຕາມ​ຂ່າວສານ​ຊິນ​ຮວາ  ວັນ​ທີ 6 ​ເມສາ  ຜູ່​ນຳ​ອົງການ​ຈັດຕັ້ງ​ຊາວ​ຈີນ​ມາ​ເລ​ເຊຍ​ໄດ້​ທະຍອຍ​ກັນ​ໃຫ້​ສຳພາດ,ກ່າວ​ປະນາມ​ຢ່າງ​ຮຸນ​ແຮງ​ຕໍ່​ລັດຖະບານ​ຍີ່ປຸ່ນ​ກວດກາ​​ແລະ​ຜ່ານແບບຮຽນ​ປະຫວັດສາດ​ທີ່​ພິມ​ໃຫມ່​ທີ່​ເວົ້າ​ຍ້ອມ​ປະຫວັດການ​ຮຸກ​ຮານ​ໃນ​ວັນ​ທີ 5 ​ເມສາ

ທ່ານ​ລິນ​ຢູ້ຖາງ ປະທານ​ໃຫຍ່​ຂອງ​ສະມາຄົມຊາວ​ຈີນ​ມາ​ເລ​ເຊຍ ​ເຊິ່ງ​ເປັນອົງການ​ຈັດ​ຕັ້ງ​ສູງ​ສຸດ​ຂອງຊາວ​ຈີນ​ຢູ່​ມາ​ເລ​ເຊຍດ​ກ່າວ​ວ່າ ລັດຖະບານ​ຍີ່ປຸ່ນ​ຫມາຍ​ຈະ​ໃຊ້​ວິທີ​ປິ້ນດຳ​ເປັນ​ຂາວ​ປັດ​ປ່າຍ​ຫນ້າ​ທີ່​ຮັບຜິດຊອບ​ຕໍ່ໂທດ​ກຳ​ຮຸກ​ຮານ​ໃນ​ເມື່ອ​ກ່ອນ​  ​ແລະ​​ເຈດ​ຕະນາ​ເຮັດ​ໃຫ້​ຊາວຫນຸ່ມ​ຍີ່​ປຸ່ນຮຸ້ນ​​ໃຫມ່​ເຂົ້າສູ່​ທາງ​ຜິດ​​ແລະ​ຫຼອງ​ລວງ​ພວກ​ເຂົາ​ເຈົ້າ​  ປະເທດພາກພື້ນອາຊີ​ປາຊີ​ຟິກຄວນ​ລະມັດລະວັງ​ລັດທິ​ລັດຖະທະຫານ​ຍີ່​ປຸ່ນກຳ​ເລີບ​ຂຶ້ນ

ທ່ານ​ເສີນ​ໄຄ​ຊີ ​ເລຂາທິການ​ໃຫຍ່​ສະມາຄົມ​ມິດຕະພາບ​ ​ມາ​ເລ​ເຊຍ​​ຈີນໄດ້​ຮຽກຮ້ອງ​ໃຫ້​ຊາວ​ມາ​ເລ​ເຊຍ​ສິດສອນ​ຄົນຮຸ້ນ​ຫຼັງ​​ໃຫ້ຮູ້​ແຈ້ງ​ໂທດ​ກຳ​ຮຸກ​ຮານ​ຂອງ​ລັດທິ​ລັດຖະທະຫານ​ຍີ່​ປຸ່ນ  ນັກປະຫວັດສາດ​ກໍ​ຄວນ​ຮຽບຮຽງ​ແລະ​ຂຽນ​ປະຫວັດສາດ​ສົງຄາມ​ທີ່​ສ່ອງ​ແສງເລື່ອງ​ຈິງ​ໃນ​ສົງຄາມ​ໂລກ​ຄັ້ງ​ທີ​ສອງ​ເຜີຍ​ແບ​ໂທດ​ກຳ​ຂອງ​ທະຫານ​ຍີ່​ປຸ່ນ