ຕາມ​ຂ່າວສາ​ນຊິນ​ຮວາ  ວັນ​ທີ 7 ​ເມສາ ຢູ່​ທີ່​ຮ່າ​ໂຫນ້ອຍ  ທ່ານຟານ​ວັນຄາຍ ນາຍົກລັດຖະມົນ​ຕີຫວຽດນາມ​ໄດ້​ເຈລະຈາ​ກັບ​ທ່ານ​ໂຊວິນ ນາຍົກລັດຖະມົນ​ຕີມຽນມາ ທີ່​ມາຢາມ, ສອງ​ຝ່າຍກ່າວ​ວ່າ ຈະ​ປັບປຸງ​ແລະ​ຂະຫຍາຍ​ການ​ພົວພັນ​ມິດຕະພາບ​ແລະ​ຮ່ວມ​ມື​ກັນ​ທີ່​ມີມູນ​ເຊື້ອລະຫວ່າງ​ສອງ​ປະ​ເທດ​ຕື່ມ​ອີກ,​ໂດຍ​ສະ​ເພາະ​ແມ່ນ​ການ​ຮ່ວມ​ມື​ໃນ​ຂົງ​ເຂດເສດຖະກິດ​ການ​ຄ້າ ການ​ລົງທຶນ ການທ່​ອງທ່ຽວ​ແລະຂໍ້​ມູນ​ຂ່າວສານ​ໂທລະ​ຄົມ​ເປັນຕົ້ນ

ນາຍົກລັດຖະມົນຕີສອງປະ​ເທດ​ຍັງ​ເຫັນ​ວ່າ ​ຢູ່ເບື້ອງ​ຫຼັງ​ສະຖານະ​ການ​ພາກພື້ນ​ແລະ​ສາກົນ​ໃນ​ສະ​ເພາະ​ຫນ້ານ​ນີ້ ມີຄວາມ​ຈຳ​ເປັນ​ເພີ່ມ​ຄວາມ​ສາມັກຄີ​​ພາຍ​ໃນອາຊ​ຽນ ປົກ​ປັກ​ຮັກສາ​ຫຼັກການ​ພື້ນຖານ​ທຸກ​ລາຍ​ຂອງ​ອົງການ​ດັ່ງກ່າວ  ພ້ອມ​ທັງ​ເພີ່ມ​ທະວີ​ການ​ຮ່ວມ​ມື​ພາຍ​ໃນ​ອາຊຽນ ​ເພື່ອ​ສ້າງອົງການ​ອາຊ​ຽນ​ໃຫ້​ເປັນ​ອົງການທີ່ ການ​ເມືອງ​​ກັບ​ຄວາມ​ປອດ​ໄພ​​ເຊື່ອມ​ຕໍ່​ກັນ​ຢ່າ​ງ​ໃກ້ຊິດ ​ເສດຖະກິດ​​ເຂັ້ມແຂງ​ແລະ​ວັດທະນະທຳ​ອຸດົມສົມບູນ