|
ຈຸດໜັກຂອງວຽກງານກູ້ໄພຢູ່ເຂດປະສົບໄພແຜ່ນດິນໄຫວນີອັສອິນໂດເນເຊຍຍ້າຍໄປສູ່ການສ້າງສາຄືນໃໝ່
cri
Author: li
ຕາມຂ່າວສານຊິນຮວາ: ວັນທີ 10 ເມສາ ເຈົ້າໜ້າທີ່ຜູ້ໜຶ່ງຂອງສູນຖະແຫຼງຂ່າວຂອງເກາະນີອັສແຫ່ງອິນໂດເນເຊຍກ່າວວ່າ,ວຽກງານກູ້ໄພໂດຍດ່ວນຫຼັງໄພແຜ່ນດິນໄຫວຂອງເກາະນີອັສໄດ້ເຮັດສຳເລັດໝົດໃນວັນທີ 10 ເມສາ,ຈຸດໜັກຂອງວຽກງານກູ້ໄພໃນພາຍໜ້າຈະຍ້າຍໄປສູ່ການຟື້ນຟູແລະສ້າງສາຄືນໃໝ່.
ເຈົ້າໜ້າທີ່ຜູ້ນີ້ແນະນຳວ່າ,ຈຸດໜັກຂອງວຽກງານຟື້ນຟູແລະສ້າງສາຄືນໃໝ່ຂອງເກາະນີອັສແມ່ນສ້ອມແປງເຮືອນຢູ່ຂອງໄທເມືອງແລະຟື້ນຟູພື້ນຖານໂຄງລ່າງຕ່າງໆເຊັ່ນທາງຫຼວງ,ໄຟຟ້າ,ໂທລະຄົມແລະຕຶກຫ້ອງການຂອງອົງການປົກຄອງເປັນຕົ້ນ. ປັດຈຸບັນ ວຽກງານຕົ້ນຕໍແມ່ນແປງທາງ.
ເຈົ້າໜ້າທີ່ຜູ້ນີ້ເວົ້າວ່າ,ປັດຈຸບັນ ສິ່ງກໍ່ສ້າງໂທລະຄົມ 80% ຂອງເກາະດັ່ງກ່າວໄດ້ຮັບການຟື້ນຟູແລ້ວ,ຢູ່ເຂດ 30% ໄດ້ຟື້ນຟູການສະໜອງໄຟຟ້າ,ແລະໄດ້ສະໜອງນ້ຳສະອາດໃນຂອບເຂດທົ່ວເກາະແລ້ວ.
|
|
