|
|
 |
| (GMT+08:00)
2005-04-11 16:51:47
|
 |
|
ກອງປະຊຸມລັດຖະມົນຕີການຕ່າງປະເທດອາຊຽນຈັດຂຶ້ນຢູ່ຟິລິບປິນ
cri
Author: sayvanny
ຕາມຂ່າວສານຊີນຮວາ: ວັນທີ 11 ເມສາ ລັດຖະມົນຕີການຕ່າງປະເທດຂອງ 10 ປະເທດອາຊຽນໄດ້ຈັດກອງປະຊຸມປິດປະຕູເປັນເວລາມື້ຫນຶ່ງຢູ່ເມືອງເຊບູ ເມືອງພາກກາງຂອງຟິລິບປິນ,ຫາລືບັນຫາກ່ຽວກັບກອງປະຊຸມສຸດຍອດອາຊີຕາເວັນອອກແລະການວາງກົດບັດອາຊຽນເປັນຕົ້ນ.
ໃນງານຖະແຫລງຂ່າວທີ່ຈັດຂຶ້ນກ່ອນກອງປະຊຸມ, ທ່ານໂລມູໂລ ລັດ ຖະມົນຕີການຕ່າງປະເທດຟິລິບປິນເວົ້າວ່າ, ບັນດາລັດຖະມົນຕີການຕ່າງປະເທດອາຊຽນຈະຫາລືບັນຫາຕ່າງໆຄື ວາລະປະຊຸມ ຮູບການແລະປະເທດທີ່ຈະເຂົ້າຮ່ວມກອງປະຊຸມສຸດຍອດອາຊີຕາເວັນອອກຄັ້ງທຳອິດທີ່ຈະຈັດຂຶ້ນຢູ່ກົວລະລຳເປີ ນະຄອນຫລວງມາເລເຊຍໃນທ້າຍປີນີ້.
ໃນເວລາກ່າວເຖິງບັນຫາວາງກົດບັດອາຊຽນ, ທ່ານໂລມູໂລເວົ້າວ່າ, ກົດບັດນີ້ຈະກຳນົດຖານະກົດຫມາຍຂອງອາຊຽນ, ເຮັດໃຫ້ອາຊຽນໄດ້ຮັບການຮັບຮອງຈາກປະຊາຄົມໂລກຢ່າງກວ້າງຂວາງ, ແລະຈະຊ່ອຍອົງການນີ້ບັນລຸເປົ້າຫມາຍສ້າງຕັ້ງອົງປະກອບຮ່ວມອາຊຽນກ່ອນປີ 2020.
|
|
|
