|
ຕາມຂ່າວສານຊິນຮວາ ວັນທີ 13 ເມສາ ທ່ານຫງຽນຕິ໋ນຢຸ່ງ ຮອງນາຍົກ ລັດຖະມົນຕີຫວຽດນາມກ່າວວ່າ ຫວຽດນາມຫວັງໃຫ້ເພີ່ມທະວີການໄປມາຫາສູ່ກັນລະຫວ່າງແຂວງແລະນະຄອນຊາຍແດນຂອງຈີນກັບຫວຽດນາມ ເພີ່ມຄວາມເຂົ້າໃຈກັນ ບຸກເບີກຊ່ອງທາງຮ່ວມມືເສດຖະກິດການຄ້າຢ່າງບໍ່ຢຸດຢັ້ງ ປະກອບສ່ວນຢ່າງ ຕັ້ງຫນ້າເພື່ອຊຸກຍູ້ການພົວພັນມິດຕະພາບແລະຮ່ວມມືກັນລະຫວ່າງຫວຽດນາມກັບຈີນໃຫ້ຂະຫຍາຍອອກຕື່ມອີກ
ທ່ານຫງຽນຕິ໋ນຢຸ່ງແມ່ນກ່າວຄວາມນີ້ໃນເວລາພົບປະຄະນະຜູ່ແທນເສດຖະກິດການຄ້າຂອງອົງການປົກຄອງເຂດກວາງຊີທີ່ນຳໂດຍທ່ານລູ້ປິ່ງ ປະທານອົງການປົກຄອງປະຊາຊົນຂອງເຂດກວາງຊີເຜົ່າຈ້ວງ ປົກຄອງຕົນເອງຂອງຈີນໃນຕອນບ່າຍມື້ດຽວກັນ ທ່ານກ່າວວ່າ ເສດຖະກິດຫວຽດນາມຈີນມີລັກສະ ນະຕາບຈູນກັນຢ່າງແຂງແຮງແລະມີກຳລັງບົ່ມຊ້ອນຢ່າງມະຫາສານ ຫວັງໃຫ້ວິສາຫະກິດສອງປະເທດໃຊ້ທ່າແຮງພູມພາກແລະຊັບພະຍາກອນທີ່ດີລື່ນຫມູ່ຊະນິດນີ້ ບັນລຸຄວາມຕາບຈູນເຊິ່ງແລະກັນ ຊຸກຍູ້ໃຫ້ການພົວພັນຮ່ວມມືເສດຖະກິດການຄ້າສອງປະເທດຂະຫຍາຍ ຕົວລົງສູ່ລວງເລິກຢ່າງບໍ່ຢຸດຢັ້ງ
|
