|
|
 |
| (GMT+08:00)
2005-04-15 10:15:58
|
|
ອາເມລິກາຫວັງໃຫ້ສ.ປ.ປ.ເກົາຫຼີຈົ່ງກັບຄືນສູ່ຂອບການເຈລະຈາ 6 ຝ່າຍ
cri
Author: huachunmei
ຕາມຂ່າວ CRI , ວັນທີ 14 ເມສາ, ໃນງານຖະແຫຼງຂ່າວທີ່ຈັດຂຶ້ນຢູ່ທຳນຽບຂາວ, ທ່ານແມັກເຄຼແລນ ໂຄສົກທຳນຽບຂາວອາເມລິກາເວົ້າວ່າ, ລັດຖະບານອາເມລິກາຫວັງໃຫ້ສ.ປ.ປ.ເກົາຫຼີຈົ່ງກັບຄືນສູ່ຂອບການເຈລະຈາ 6 ຝ່າຍທີ່ມີຈຸດປະສົງແກ້ໄຂບັນຫານິວເຄຼຍແຫຼມເກົາຫຼີ.
ທ່ານແມັກເຄຼແລນກ່າວວ່າ, ລັດຖະບານອາເມລິກາຍັງຄົງຈະອອກແຮງ ແກ້ໄຂບັນຫານິວເຄຼຍແຫຼມເກົາຫຼີໂດຍຜ່ານຊ່ອງທາງການທູດໂດຍສັນຕິ.
ຂ່າວແຈ້ງອີກວ່າ, ໃນເວລາຕ້ອນຮັບການສຳພາດຂ່າວຂອງນັກຂ່າວໜັງສືພິມວອນສະຕຼິດ, ທ່ານນາງໄລສ ລັດຖະມົນຕີການຕ່າງປະເທດອາເມລິກາເວົ້າວ່າ, ນາງເຫັນວ່າ, ການສະແດງທ່າທີຂອງສ.ປ.ປ.ເກົາຫຼີທີ່ກ່າວວ່າມີອາວຸດນິວເຄຼຍແລະຂົ່ມຂູ່ວ່າຈະບໍ່ເຂົ້າຮ່ວມການເຈລະຈາ 6 ຝ່າຍອີກນັ້ນບໍ່ຫ່ອນຊິມີຜົນສະທ້ອນທີ່ມີລັກສະນະທາດແທ້ຕໍ່ການແກ້ໄຂບັນຫານິວເຄຼຍແຫຼມເກົາຫຼີ.
|
|
|
