|
ຕາມຂ່າວສານຊິນຮວາ ວັນທີ 16 ເມສາ ຢູ່ທີ່ແຮນຊິນກີ ນະຄອນຫຼວງແຟງລັງ ຫຼັງຈາກຜູ່ແທນລັດ ຖະບານອິນໂດເນເຊຍກັບຂະບວນການອາເຈະອິດສະຫຼະ ອົງການລັດທິແບ່ງແຍກອາເຈະສິ້ນສຸດການເຈລະຈາສັນຕິພາບຮອບທີສາມແລ້ວ ພວກທ່ານກ່າວວ່າ ຈະພ້ອມກັນພະຍາຍາມຊອກຫາແຜນການຍາວນານແລະຮອບດ້ານທີ່ແກ້ໄຂບັນຫາອາເຈະ
ການເຈລະຈາສັນຕິພາບທີ່ຈັດເປັນເວລາ 5ມື້ເທື່ອນີ້ແມ່ນດຳເນີນໄປພາຍໃຕ້ການເປັນປະທານຂອງທ່ານອານທີຊາລີ ອະດີດປະທານາທິບໍດີແຟງລັງ .ສອງຝ່າຍໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບຫຼັກການຊີ້ນຳຂອງການເຈລະຈາໃນຕໍ່ໄປພາຍຫນ້າ ແລະກ່າວວ່າຊົມເຊີຍອົງການພາກພື້ນຕິດຕາມກວດກາພັນທະທີ່ສອງຝ່າຍທີ່ເຊັນສັນຍາຄວນຫາບແບກ
ຕາມຊາບວ່າ ໃນການເຈລະຈາຮອບນີ້ ສອງຝ່າຍໄດ້ເຈາະຈົງຄົ້ນຄວ້າບັນຫາປະຕິບັດການປົກຄອງຕົນເອງຢູ່ແຂວງອາເຈະ. ໃນການເຈລະຈາ ຜູ່ແທນຂະບວນອາເຈະອິດສະຫຼະໄດ້ວາງຂໍ້ສະເຫນີ ຂອງຕົນເອງຢ່າງເປັນທາງການກ່ຽວກັບເບົ້າແບບປະຕິບັດການປົກຄອງຕົນເອງຢູ່ແຂວງອາເຈະຕໍ່ຜູ່ແທນລັດຖະບານອິນໂດເນເຊຍ
|
