|
|
 |
| (GMT+08:00)
2005-04-19 17:55:11
|
 |
|
ກອງປະຊຸມສຳມະນາປ້ອງກັນແລະຄວບຄຸມການແຜ່ລາມຂອງພະຍາດໄຂ້ຫວັດສັດປີກຂອງປະເທດອາຊຽນໄຂຂຶ້ນຢູ່ບາງກອກ
cri
Author: li
ຕາມຂ່າວ CRI: ວັນທີ 19 ເມສາ ກອງປະຊຸມສຳມະນາປ້ອງກັນແລະຄວບຄຸມການແຜ່ນລາມຂອງພະຍາດໄຂ້ຫວັດສັດປີກຂອງປະເທດອາຊຽນໂດຍແມ່ນລັດຖະສະພາຂອງໄທເປັນເຈົ້າພາບຈັດຂຶ້ນນັ້ນໄດ້ໄຂຂຶ້ນຢູ່ບາງກອກ ນະຄອນຫຼວງຂອງໄທ. ຫົວຂໍ້ສຳຄັນຂອງກອງປະຊຸມເທື່ອນີ້ແມ່ນ"ປ້ອງກັນກັບນະໂຍບາຍ".
ໃນພິທີໄຂ,ທ່ານສຸຊົນ ຊາລີເຄືອ ຮອງປະທານລັດຖະສະພາ,ປະທານວຸດທິສະພາຂອງໄທກ່າວວ່າ,ຈຸດປະສົງຂອງກອງປະຊຸມເທື່ອນີ້ແມ່ນຊຸກຍູ້ໃຫ້ສ້າງກົນໄກກົດໝາຍປ້ອງກັນແລະຄວບຄຸມພະຍາດໄຂ້ຫວັດສັດປີກຂອງປະເທດ,ພາກພື້ນຕະຫຼອດຮອດທົ່ວໂລກ,ເພື່ອປ້ອງກັນຢ່າງບັງເກີດຜົນກວ່າເກົ່າບໍ່ໃຫ້ພະຍາດໄຂ້ຫວັດສັດປີກແຜ່ລາມອອກ.
ໃນພິທີໄຂ,ທ່ານວິລຽມ ອານດີສ ຜູ້ແທນອົງການອະນາໄມໂລກໄດ້ຮຽກຮ້ອງໃຫ້ບັນດາປະເທດໃນໂລກເພີ່ມທະວີການຮ່ວມມືກັນ,ໂດຍສະເພາະແມ່ນເພີ່ມທະວີການແລກປ່ຽນກັນໃນດ້ານຂໍ້ມູນຂ່າວສານແລະເຕັກນິກທີ່ກ່ຽວຂ້ອງ,ຊອກຫາວິທີອັນບັງເກີດຜົນໃນການປ້ອງກັນແລະຄວບຄຸມພະຍາດໄຂ້ຫວັດສັດປີກໂດຍໄວເທົ່າທີ່ຈະໄວໄດ້.
ນອກຈາກມຽນມາແລະບຼູໄນແລ້ວ ຜູ້ແທນສະພາຂອງອີກ 8 ປະເທດສະມາຊິກອາຊຽນພ້ອມດ້ວຍເຈົ້າໜ້າທີ່ລັດຖະບານແລະຜູ້ຊ່ຽວຊານດ້ານກະສິກຳ,ການລ້ຽງສັດແລະສາທາລະນະສຸກຂອງຈີນ,ສ.ເກົາຫຼີແລະອາເມລິກາເປັນຕົ້ນໄດ້ເຂົ້າຮ່ວມກອງປະຊຸມສຳມະນາທີ່ຈະດຳເນີນສອງມື້ເທື່ອນີ້.
|
|
|
