|
ທ່ານຫູຈີນທາວຫວັງໃຫ້ຊູກຍູ້ການພົວພັນຈີນມຽນມາຂະຫຍາຍໄປໜ້າຢ່າງບໍ່ຢຸດຢັ້ງ
cri
Author: MO
ຕາມຂ່າວCRI：ວັນທີ 23 ເມສາ, ທ່ານຫູຈີນທາວ ປະທານປະເທດຈີນທີ່ພວມເຂົ້າຮ່ວມກອງປະຊຸມສຸດຍອດອາຊີອາຟຼິກາຢູ່ຢາກາກຕາແຫ່ງອິນໂດເນເຊຍ ໄດ້ພົບປະທ່ານດານສະເວ ປະທານຄະນະກຳມະການສັນຕິພາບແລະການພັດທະນາມຽນມາ, ທ່ານຫູຈິນທາວກ່າວວ່າ, ຈີນຍິນດີພ້ອມກັນກັບເພື່ອນມຽນມາ, ສືບທອດມູນເຊື້ອມິດຕະພາບລະຫວ່າງຈີນມຽນມາ, ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານດານສະເວຍັງໄດ້ສະເໜີສະຖານະການພາຍໃນປະເທດມຽນມາໃຫ້ທ່ານຫູຈີນທາວຊາບ. ທ່ານຫູຈິນທາວກ່າວວ່າ, ໃນຖານເປັນປະເທດເພື່ອນບ້ານໃກ້ຄຽງ, ຈີນສະໜັບສະໜູນລັດຖະບານມຽນມາທຳຄວາມພະຍາຍາມເພື່ອຮັກສາສະຖຽນລະພາບຂອງຊາດ, ຊຸກຍູ້ການປອງດອງຊາດ, ແລະເປີດກວ້າງການໄປມາຫາສູ່ກັນກັບພາຍນອກ.
|
|
