|
|
 |
| (GMT+08:00)
2005-04-24 21:00:13
|
 |
|
ທ່ານຫູຈີນທາວແຍກອອກພົບປະທ່ານອານນານແລະຜູ້ນຳຂອງບາງປະເທດ
cri
Author: MO
ຕາມຂ່າວCRI：ວັນທີ 23 ເມສາ, ຢູ່ຢາກາກຕາ ນະຄອນຫລວງອິນໂດເນເຊຍ, ທ່ານຫູຈິນທາວ ປະທານປະເທດຈີນໄດ້ແຍກອອກພົບປະທ່ານອານນານ ເລຂາທິການໃຫຍ່ອົງການສະຫະປະຊາຊາດແລະຜູ້ນຳຂອງບາງປະເທດທີ່ເຂົ້າຮ່ວມກອງປະຊຸມສຸດຍອດອາຊອາຟຼິກາ.
ໃນເວລາພົບປະທ່ານອານນານ, ທ່ານຫູຈີນທາວກ່າວວ່າ, ການປະຕິຮູບສະພາຄວາມໝັ້ນຄົງຕ້ອງອະພິປາຍແລະປຶກສາຫາລືກັນຢ່າງເຕັມສ່ວນ, ເພື່ອໃຫ້ມີຄວາມເຫັນຄືກັນຢ່າງກວ້າງຂວາງ. ຈີນເຫັນດີເພີ່ມລັກສະນະຕົວແທນຂອງປະເທດພວມພັດທະນາ.
ໃນເວລາພົບປະທ່ານລັກໂມນົຟ ປະທານາທິບໍດີຕາຊີກີສະຕັງ, ທ່ານຫູຈີນທາວໄດ້ຕີລາຄາຢ່າງຕັ້ງໜ້າຕໍ່ການຮ່ວມມືພາຍໃນຂອບອົງການຮ່ວມມືຊຽງໄຮແລະອົງການສາກົນອື່ນໆ.
ໃນເວລາພົບປະທ່ານມານໂມຮານ ຊີງ ນາຍົກລັດຖະມົນຕີອິນເດຍ, ທ່ານຫູຈີນທາວກ່າວວ່າ, ສອງປະເທດໄດ້ກ້າວເຖິງຂັ້ນມີຄວາມເຫັນຄືກັນກ່ຽວກັບຫລັກການຊີ້ນຳດ້ານການເມືອງໃນບັນຫາຊາຍແດນ, ເພື່ອສ້າງພື້ນຖານອັນດີງາມໃຫ້ແກ່ການຊຸກຍູ້ການແກ້ໄຂບັນຫາຊາຍແດນໃນພາຍໜ້າ.
ໃນເວລາພົບປະທ່ານຕານສະເວ ປະທານຄະນະກຳມະການສັນຕິພາບແລະການພັດທະນາມຽນມາ, ທ່ານຫູຈີນທາວກ່າວວ່າ, ຈີນສະໜັບສະໜູນລັດຖະບານມຽນມາທຳຄວາມພະຍາຍາມເພື່ອຮັກສາສະຖຽນລະພາບຂອງຊາດ, ຊຸກຍູ້ການປອງດອງຊາດ, ແລະເປີດກວ້າງການໄປມາຫາສູ່ກັນກັບພາຍນອກ.
ໃນເວລາພົບປະທ່ານບາເຊຍ ປະທານາທິບໍດີຊູດັງ, ທ່ານຫູຈີນທາວກ່າວວ່າ, ຈີນສະໜັບສະໜູນຂະບວນວິວັດສັນຕິພາບຂອງຊູດັງ. ທ່ານຍັງກ່າວລື້ມຫລັກໝັ້ນຫລັກການຂອງຈີນໃນບັນຫາດາຟູ.
ຜູ້ນຳຂອງປະເທດທີ່ກ່ຽວຂ້ອງລ້ວນແຕ່ກ່າວວ່າ, ຍິນດີເປີດກວ້າງການຮ່ວມມືດ້ວຍໄມຕີຈິດກັບຈີນຕື່ມອີກ, ຊຸກຍູ້ໃຫ້ການພົວພັນສອງຕໍ່ສອງຂະຫຍາຍໄປໜ້າຢ່າງບໍ່ຢຸດຢັ້ງ.
|
|
|
