ຕາມ​ຂ່າວ​CRI: ວັນ​ທີ 2 ພຶດ​ສະ​ພາ, ທ່ານ ​ໂດ​ເນີ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອົ​ສຕຼາລີ​ກ່າວ​ວ່າ, ໜ່ວຍ​ຊ່ອຍ​ກູ້​ສຸ​ເສີນ​ທີ່​ປະ​ກອບ​ດ້ວຍ​ສະ​ມາ​ຊິກ​ກະ​ຊວງ​ການ​ຕ່າງ​ປະ​ເທດ ຕຳ​ຫຼວດ​ສະ​ຫະ​ພັນ​ແລະ​ທະ​ຫານ​ປ້ອງ​ກັນ​ປະ​ເທດ​ຈະ​ເດີນທາງ​ໄປ​ອີຣັກ​​ໃນ​ໄວໆ​ນີ້, ຍາດ​ແຍ່ງ​ຊ່ອຍ​ກູ້​ຕົວ​ປະກັນ​ອົສ​ຕຼາ​ລີ​ທີ່​ຖຶກ​ພວກ​ປະກອບ​ອາວຸດ​ອີຣັກ​ລັກ​ພາ​ຕົວ.

ທ່ານ ​ໂດ​ເນີ​ ​ເນັ້ນ​ໜັກ​ວ່າ, ລັດ​ຖະ​ບານ​ອົສ​ຕຼາລີ​ຈະ​ບໍ່​​ຜ່ອນ​ສັ້ນ​ຜ່ອນ​ຍາວ​​ໃຫ້​ພວກ​ກໍ່​ການ​ຮ້າຍ.

ຕາມ​ຂ່າວ​ແຈ້ງວ່າ,  ຕອນ​ຄ່ຳ​ວັນ​ທີ 1 ພຶດສະພາ, ພວກ​ປະກອບ​ອາວຸດ​ອີຣັກ​ໄດ້​ປະກາດວີ​ດີ​ໂອ​ກ່ຽວ​ກັບ​ທ່ານ ວຸດ ຊາວ​ອົສຕຼາລີ​ທີ່​ຖຶກລັກ​ພາ​ຕົວ. ​ໃນ​ວີ​ດີ​ໂອ​ນັ້ນ, ທ່ານ​ ວຸດ ​ໄດ້​ຮຽກຮ້ອງ​ໃຫ້​ອາ​ເມ​ລິ​ກາ ອົສຕຼາລີ​ແລະ​ອັງກິດ​ຖອນ​ທະຫານ​ອອກ​ຈາກ​ອີຣັກ.