|
ອົງການປະກອບອາວຸດອົງການໜຶ່ງຂອງອີຣັກກ່າວວ່າໄດ້ກັກຕົວປະກັນຍີ່ປຸ່ນຜູ້ໜຶ່ງ
cri
Author: MO
ຕາມຂ່າວສານຊີນຮວາ: ວັນທີ 9 ພຶດສະພາ, ອົງການປະກອບອາວຸດທີ່ຊື່ວ່າ"ອານຊາ ອານ ຊຸນນາ"ຂອງອີຣັກໄດ້ອອກຖະແຫລງການທາງອິນເທີເນັດວ່າ, ຕອນຄ່ຳວັນທີ 8 ພຶດສະພາຢູ່ພາກຕາເວັນຕົກອີຣັກ, ພວກເຂົາເຈົ້າໄດ້ຜົກຕີຂະບວນລົດຂອງຕ່າງປະເທດ, ແລະໄດ້ກັກຂັງຊາວຍີ່ປຸ່ນຜູ້ໜຶ່ງເປັນຕົວປະກັນ.
ຖະແຫລງການຂຽນວ່າ, ພວກເຂົາເຈົ້າໄດ້ຍິງຜູ້ປ້ອງກັນຄວາມປອດໄພອີຣັກຕາຍ 12 ຄົນທີ່ປ້ອງກັນຂະບວນລົດ, ແລະໄດ້ຈັບຊາວຕ່າງປະເທດ 5 ຄົນໃນຂະບວນລົດ. ແຕ່ຍ້ອນຍົນທະຫານອາເມລິກາບິນມາຮອດຢ່າງວ່ອງໄວ, ພວກເຂົາເຈົ້າໄດ້ຍິງ 4 ຄົນຕາຍ, ພຽງແຕ່ລັກພາຕົວຊາວຍີ່ປຸ່ນຜູ້ໜຶ່ງທໍ່ນັ້ນ.
ຖະແຫລງການກ່າວວ່າ, ຕົວປະກັນຍີ່ປຸ່ນຜູ້ນີ້ຊື່ອາຄີຮີໂຄ ຊາອີໂຕະ, ແມ່ນຜູ້ຮັບຜິດຊອບພະແນກຂອງບໍລິສັດປ້ອງກັນຄວາມປອດໄພແຫ່ງໜຶ່ງ, ປັດຈຸບັນໄດ້ຮັບບາດເຈັບໜັກ.
|
|
